«Каб снег роўна лёг». У Гомелі паказалі пакос восеньскай лістоты
Не праходзіць года, каб у сацсетках увосень не з'явілася відэа, на якім камунальнікі косяць у горадзе траву, якой па прыродных прычынах ужо зусім і няма. Вось і цяпер у тыктоку апублікавалі ролік, у якім паказалі, як мужчына касіў газонакасілкай восеньскае лісце побач з тратуарам у Гомелі. Навошта ён гэта рабіў, вядома, дакладна не вядома. Але кемлівыя каментатары выказалі свае версіі, піша Telegraf.news.
На відэа прыкметна, як апалыя брудныя лісточкі разлятаюцца ў бакі пасля праходжання тэхнікі.
«Праца ёсць праца, яму за гэта як бы і плацяць, і хай вам здаецца, што ён глупствам заняты», — напісаў адзін каментатар.
«Раўняе, каб снег роўна лёг!» — выказаў здагадку іншы.
«Мяне гэтыя касцы ўсё лета зранку даставалі. Дык і ўвосень лісце будуць касіць ці ўжо адразу зямлю ўзрыхляць??» — пацікавіўся трэці.
Хтосьці, праўда, спрабаваў абараніць работніка:
«Чаго на рабацягу накінуліся? Далі заданне — робіць. Самі, нябось, не спрачайцеся з начальствам, а робіце, што кажуць. Усё зверху ідзе…»
«Класіка. А калі дажджы пойдуць, то час латаць лужыны, у дождж жа яно лепш відаць, дзе трэба», — дадаў яшчэ адзін карыстальнік тыктоку.
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі29
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары