Свет2121

Германія і ЗША блакіруюць запрашэнне да ўступлення ў НАТА для Украіны, але не толькі яны

Венгрыя, Славакія, Бельгія, Славенія і Іспанія таксама супраць запрашэння Украіны ў НАТА.

Фота: Getty Images

Выданне Politico піша, што план перамогі прэзідэнта Уладзіміра Зяленскага сутыкаецца з праблемай, бо грунтуецца на атрыманні Украінай запрашэння да ўступлення ў НАТА, а некаторыя ключавыя сябры альянсу не зацікаўленыя ў тым, каб гэта адбылося.

 «Па словах чатырох амерыканскіх і натаўскіх чыноўнікаў і дыпламатаў, якія на ўмовах ананімнасці падзяліліся апошнімі ўнутранымі дыскусіямі, Германія і ЗША з'яўляюцца аднымі з найбуйнейшых дзяржаў, якія не спяшаюцца рэагаваць на заклік Зяленскага аб неадкладным запрашэнні да ўступлення ў НАТА».

Politico адзначае, што ключавыя сябры альянсу занепакоеныя тым, што могуць быць уцягнутыя ў вайну з Расіяй.

У інтэрв'ю выданню пасол ЗША ў НАТА Джуліяна Сміт адкрэсліла амерыканскую пазіцыю: «На сённяшні дзень альянс не дасягнуў таго пункту, калі ён гатовы прапанаваць сяброўства або запрашэнне Украіне».

Але Германія і ЗША — не адзіныя блакіроўшчыкі запрашэння. Венгрыя і Славакія таксама супраціўляюцца. Іх цяперашнія папулісцкія лідары займаюць у цэлым пракрамлёўскую пазіцыю: прэм'ер-міністр Венгрыі Віктар Орбан заблакаваў сродкі ЕС на ўзбраенне Украіны.

У сваім пасце Орбан назваў план перамогі Зяленскага «больш чым жахлівым».

Прэм'ер-міністр Славакіі Роберт Фіца раней у гэтым месяцы папярэдзіў, што ўступленне Украіны ў НАТА «стане добрай асновай для трэцяй сусветнай вайны», і паабяцаў, што «ніколі не пагодзіцца» на гэта.

Ёсць і іншыя краіны, якія не імкнуцца хутка рухацца насустрач Кіеву, а здавольваюцца тым, што хаваюцца ў цені.

«Такія краіны, як Бельгія, Славенія або Іспанія, хаваюцца за спінамі ЗША і Германіі. Яны не хочуць», — сказаў адзін з чыноўнікаў НАТА. Другі чыноўнік сказаў, што краіны «падтрымліваюць гэтую ідэю абстрактна», але як толькі яна наблізіцца да матэрыялізацыі, яны пачнуць выступаць супраць яе больш публічна.

17 кастрычніка Генеральны сакратар НАТА Марк Рутэ заявіў, што Украіна далучыцца да альянсу як яго 33-ці або 34-ы член у будучыні.

Каментары21

  • Василий
    24.10.2024
    В таком случае, если Западные страны как и Россия, не могут выполнять Будапештский меморандум, Украина в целях сохранения Независимости перед внешним врагом, Россией, имеет полное право начать готовить "грязную ядерную бомбу" именно для того, чтобы обеспечить сохранение Украинского государства. Вокруг одни предатели.
  • мясцовы2
    24.10.2024
    Украіне тэрмінова трэба шукаць іншых сюзнікаў. Гэтыя спарахнелі і дэградавалі ўшчэнт.
  • Jack Human
    24.10.2024
    Чакаю камента ад фанатаў Байдана і Камалы.

Цяпер чытаюць

Беларус расказаў, як быў гідам у Дудзя на Мадэйры — елі дранікі ў бары і гулялі ў футбол на стадыёне Раналду5

Беларус расказаў, як быў гідам у Дудзя на Мадэйры — елі дранікі ў бары і гулялі ў футбол на стадыёне Раналду

Усе навіны →
Усе навіны

«Ён сапраўды як мала хто заслужыў яе» — Мілінкевіч пра прэмію для Пачобута4

Турыстка назвала Гродна «невялікім правінцыйным гарадком». Беларусы не пагадзіліся26

Пяць жыхароў Навагрудка асудзілі за стварэнне дваровага чата. Усіх у калонію4

На Аўтазаводскай лініі метро спыняўся рух цягнікоў3

На мяжы нуль машын, а выехаць можна толькі праз тыдзень. Што адбываецца з выездам з Латвіі ў Беларусь

Швецыя паставіць Украіне знішчальнікі Gripen5

«Не Лукашэнка вінаваты. І не сілавікі». Мацкевіч пра працу над памылкамі23

Транспартнікі Літвы асудзілі закрыццё мяжы з Беларуссю1

Экспарт бензіну з Беларусі ў Расію ў кастрычніку вырас у 30 разоў — прадаюць яго даражэй за расійскі3

больш чытаных навін
больш лайканых навін

Беларус расказаў, як быў гідам у Дудзя на Мадэйры — елі дранікі ў бары і гулялі ў футбол на стадыёне Раналду5

Беларус расказаў, як быў гідам у Дудзя на Мадэйры — елі дранікі ў бары і гулялі ў футбол на стадыёне Раналду

Галоўнае
Усе навіны →

Заўвага:

 

 

 

 

Закрыць Паведаміць