Жанчына ў чырвона-зялёным на матчы ў Варшаве: Я нарадзілася, калі быў такі сцяг, і я хачу памерці з ім
Беларуска, якая прыйшла на футбольны матч мінскага «Дынама» і польскай «Легіі» з чырвона-зялёным сцягам, крыху расказала пра сябе.
Блогер Аляксандр Івулін падышоў пазнаёміцца з жанчынай.
«Мяне пасля наб'юць гэтыя чырвона-белыя», — усміхаецца яна.
Расказвае, што беларуска, выйшла замуж за паляка.
Івулін спытаў жанчыну, чаму яна прыйшла на стадыён у такой форме.
«Таму што я нарадзілася, калі быў такі сцяг, і я хачу памерці з такім сцягам», — адказала яна.
«Ну вы амаль прыйшлі па адрасе», — жартуе Івулін.
«Я думаю, гэта магчыма апошні дзень майго жыцця», — смяецца ў адказ жанчына.
Яна расказала, што нарадзілася ў 1991-м.
«Вы не пад гэтым сцягам нарадзіліся», — заўважыў Івулін. Афіцыйны чырвона-зялёны сцяг быў зацверджаны ў 1995-м, пасля распаду СССР з 1991-га сцягам Беларусі быў бел-чырвона-белы.
Жанчына спрабавала паспрачацца.
«Але наогул якая розніца, — сказала ў выніку. — У Беларусі не можа быць іншага сцяга».
Івулін спытаў, за каго з футбалістаў заўзее новая знаёмая.
«Хто найлепшы футбаліст — без паняцця. (…)Я агулам працую…» — запнулася жанчына.
«Вы працуеце сёння. Вы ўсё правільна сказалі», — з усмешкай падлавіў яе Івулін.
«Наша Ніва» раней пісала, што яркая заўзятарка — 33-гадовая Таццяна родам з Бярозы.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары