Камісія па найменні і перайменаванні праспектаў, вуліц, плошчаў і іншых складовых частак Мінска пры Мінгарвыканкаме 15 студзеня сабралася на пасяджэнне, на якім прапанавала назвы для 9 новых сталічных вуліц, аднаго завулка і аднаго сквера, пішуць «Мінск-Навіны».
Вуліцы на тэрыторыі жылой забудовы на скрыжаванні вуліц Рафіева і Ясеніна прапанавана даць імя партызанскага камандзіра часоў Другой сусветнай вайны Бацькі Міная. Завулку ў тым жа раёне прапануецца даць назву Вяршынны.
У комплексе жылой забудовы «Утульны» ў квартале аднакватэрных і блакаваных жылых дамоў сядзібнага тыпу ў раёне вуліц Парніковай — Падлеснай — Анаева сямі вуліцам прапанавана прысвоіць імёны Юрыя Грыгор’ева, Людмілы Гафо, Міхаіла Паруснікава, Льва Мацкевіча, Віктара Анікіна, Андрэя Грамыкі і Анатоля Гурыновіча. Першыя пяцёра — архітэктары, а Грамыка і Гурыновіч — дыпламаты. Першы працяглы час быў міністрам замежных спраў СССР, а другі — міністрам замежных спраў БССР.
Яшчэ адна вуліца ў тым жа квартале мае стаць Дыпламатычнай.
Урэшце, скверу ў межах вуліц Каржанеўскага, ДС «Курасоўшчына» і ААТ «Інтэграл» прапанавана прысвоіць імя Пятра Гайдзенкі.
Паведамляецца, што ўпраўленне культуры Мінгарвыканкама (220004, г.Мінск, вул. Ракаўская, 17) разглядае водгукі жыхароў горада па прапанаваных назвах на працягу двух тыдняў пасля публікацыі.
На тым самым пасяджэнні быў таксама дадзены адмоўны вердыкт на прапанову даносчыцы Вольгі Бондаравай перайменаваць вуліцу Кастуся Каліноўскага ў вуліцу Аляксандра Мядзведзя.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай8
Каментары
Там проблем с русязом нет!....
Што за дыверсія ў Выбары?!