Партыя, ад якой у КР ішло найбольш агентуры, заявіла пра непрызнанне Ціханоўскай. А пасля аспрэчыла гэта
На выбарах за яе прагаласавала 1,55% чалавек.
Партыя Народная Грамада выдала заяву аб непрызнанні Святланы Ціханоўскай як нацыянальнага лідара Беларусі. Маўляў, «за час яе знаходжання ў якасці лідара дэмакратычных сіл яна не змагла дамагчыся значных вынікаў, адпаведных чаканням грамадзян».
Прытым заява, як сцвярджаецца, была не проста апублікаваная ў тэлеграм-канале арганізацыі, але і перададзена ў Сейм Літвы.
У заяве Народная Грамада настойвае на «неабходнасці правядзення новых дэмакратычных выбараў і выпрацоўкі эфектыўнай стратэгіі для выхаду з існуючага крызісу» і заклікае ўсе палітычныя сілы «аб'яднацца дзеля пошуку рашэнняў, якія вернуць давер простых беларусаў».
Народная Грамада пазней аспрэчыла, што перадавала ў літоўскі Сейм ліст аб непрызнанні Ціханоўскай. «Танны ўброс», — напісала ў заяве партыя.
Пры гэтым варта адзначыць, што сама гэтая арганізацыя зусім не можа пахваліцца хоць бы самым мінімальным даверам з боку беларускага грамадства. На выбарах у Каардынацыйную раду ў траўні мінулага года блок «Салідарнасць», у які ўваходзіла «Народная Грамада», набраў усяго 104 галасы ў сваю падтрымку (1,55% ад колькасці тых, хто ўзяў удзел у галасаванні) і стаў адным з трох удзельнікаў тых выбараў, якія не пераадолелі невысокага бар'еру ў 3%, адпаведна не атрымаўшы ў гэтым органе прадстаўніцтва. Уплывы ж самой «Народнай Грамады» яшчэ меншыя, паколькі ў тым блоку яны былі аб'яднаныя з іншай маргінальнай партыйнай групоўкай — часткай хрысціянскіх дэмакратаў на чале з Георгіем Дзмітруком. Апошняя, дарэчы, таксама раней спрабавала адпрэчваць паўнамоцтвы Ціханоўскай.
Больш таго — перад выбарамі ў Каардынацыйную раду «Народная грамада» апынулася ў цэнтры скандалу, паколькі аказалася, што ў базе даносаў, здабытай «Кіберпартызанамі» з узламанага сайта КДБ, былі два звароты ад людзей з гэтай арганізацыі: Павел Бялюцін напісаў данос на Мікалая Аўтуховіча, а Вольга Цішкевіч — на Эдуарда Пальчыса. Прытым абое былі ўжо на эміграцыі і збіраліся балатавацца ў Каардынацыйную раду. Адразу пасля раскрыцця абодвух са спісаў выключылі, але імідж арганізацыі гэта, як выглядае, не палепшыла.
Вольга Цішкевіч неўзабаве пасля таго вярнулася ў Беларусь і дала інтэрв'ю прапагандыстам з АНТ. У ім яна расказвала пра Каардынацыйную раду, палітвязняў, грошы ў партыі і дроны, якімі нібыта збіраліся ўдарыць па Беларусі.
Тры партыі, якія на выбарах у КР сумарна набралі 165 галасоў, аспрэчылі статус Ціханоўскай
Пяць «інсайдаў» пра апазіцыю, якія можна даведацца з інтэрв’ю на АНТ даносчыцы Цішкевіч
Сяброўка «Народнай грамады», якая пісала даносы ў КДБ, вярнулася ў Беларусь і дала інтэрв'ю прапагандыстам
Двое сяброў «Народнай грамады» пісалі даносы ў КДБ. Хто яны і як тлумачаць сітуацыю?
«Народная грамада» адрэагавала на апублічванне даносчыкаў у шэрагах партыі
Магілёўская каардынатарка Статкевіча стукала на Пальчыса. А цяпер лезе ў Каардынацыйную раду
Цяпер чытаюць
«Дыялект падазроны». Спявак Сярога прыйшоў на расійскае рэаліці і сабраў усіх хэйтараў6
Каментары
У выпадку вашых ідэйных апанентаў, дзе зручна, пішаце, што правыя, кансерватары, лібералы, ультра/крайне і так далей, а тут ані ў загалоўку, ані ў падзагалоўку, ані нават у артыкуле не знайшлося месца напісаць, што гэта сацыял-дэмакраты.
Падвойныя стандарты?