Алабай выбег з двара і ўчыніў бойню — адзін сабака загінуў, другі пакалечаны
Інцыдэнт адбыўся ў вёсцы Малая Альшанка ля Гродна.
Алабай, які выбег з двара без намордніка і суправаджэння, напаў на двух суседскіх сабак. Адзін з іх загінуў, другі атрымаў сур’ёзныя траўмы.
Пры спробе адагнаць агрэсіўную жывёлу пацярпела і гаспадыня аднаго з гадаванцаў — жанчыне давялося прайсці курс прышчэпак, паведамляе Onliner.by са спасылкай на «Беларусь 4. Гродна».
Участковы пацвердзіў, што гаспадар сабакі прызнаў сваю віну: сабака сапраўды не павінеў быў апынуцца на вуліцы без нагляду. Паколькі раней мужчына да адміністрацыйнай адказнасці не прыцягваўся, для яго ўсё скончылася папярэджаннем.
Судовага разбору таксама не будзе: уладальнікі пацярпелых жывёл не сталі звяртацца ў суд. Сам гаспадар алабая ад каментарыяў адмовіўся.
Муж Сямашкі быў не адзіным, хто атрымаў пашпарт прыкрыцця 13 лютага 2018 года39
Каментары