Пахаванне Папы Рымскага Францішка, адбудзецца ў суботу, 26 красавіка, паведамляе Reuters са спасылкай на заяву прэс-службы Святога Пасаду.
Паводле змен, унесеных пантыфікам у дакумент Ordo Exsequiarum Romani Pontificis, пахаванне будзе адрознівацца ад цырымоній пахавання яго папярэднікаў. Францішак лічыў цырымонію пахавання кіраўніка царквы «перагружанай».
Структура пахавальнага абраду застанецца кананічнай і будзе ўключаць начное чуванне (але адно, а не два, як раней), адпяванне і пахаванне. Але цела пантыфіка не будуць выстаўляць для шанавання вернікамі на катафалку і не будзе праводзіцца цырымонія закрыцця труны.
Хаваць Папу Рымскага будуць у простай драўлянай труне — Ватыкан ужо апублікаваў фота памерлага пантыфіка. Раней у цырымоніі пахавання выкарыстоўвалася патройная труна з кіпарысу, свінцу, дубу або арэха.
Згодна з заявай Святога Пасаду, якую апублікаваў карэспандэнт National Catholic Reporter у Ватыкане Крыстафер Уайт, жалобную літургію на плошчы Святога Пятра ўзначаліць кардынал Джавані Батыста Рэ, дэкан калегіі кардыналаў. Пасля літургіі труну з целам пантыфіка прынясуць у сабор Святога Пятра, а затым — у базіліку Санта-Марыя-Маджорэ для пахавання, як і прасіў Францішак.
Большасць пантыфікаў апошніх стагоддзяў былі пахаваныя менавіта ў саборы Святога Пятра. Аднак памерлы Папа вырашыў выбраць базіліку Санта-Марыя-Маджорэ. Сваё рашэнне Францішак патлумачыў тым, што прыходзіў туды маліцца «ў пачатку і ў канцы кожнага Апостальскага падарожжа» (г. зн. візітаў за мяжу).
Папа Францішак: лацінаамерыканец, які мяняў касцёл
Хто будзе наступным Папам? Вось хто можа змяніць Францішка
Наколькі ўплывовыя Папа і Каталіцкая царква ў свеце?
Ватыкан апублікаваў першую фатаграфію Папы Францішка ў труне
«З адзіным надпісам: Franciscus». Ватыкан апублікаваў завяшчанне памерлага Папы
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна1
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары