Беларускую банкноту ў гонар 80-годдзя Перамогі ўжо за вялікія грошы перапрадаюць на eBay
У сакавіку Нацбанк анансаваў выпуск юбілейнай банкноты, прысвечанай 80-годдзю Перамогі. У яе вельмі незвычайны намінал 80 рублёў, а наклад зусім невялікі: 80 тысяч штук. На навінку адразу ж узнік ажыятаж, які цяпер пашырыўся і на інтэрнэт-пляцоўкі, піша Blizko.by.
Днямі банкнота паступіла ў продаж па цане 120 рублёў. На яе адразу ўзнік ажыятажны попыт: дзясяткі пакупнікоў сталі каля аддзялення Нацбанка на вуліцы Талстога, каб купіць сабе гэтую банкноту і/або памятныя манеты таксама ў гонар 80-годдзя Перамогі. Пры гэтым яны сфармавалі спіс, у якім да канца дня 7 мая фігуравалі ўжо пад 800 чалавек.
Цікава, што ў той жа дзень на аўкцыёне eBay купюра з'явілася ў перапродажы ў прадаўца, які пазначыў свой адрас як горад Крагуевац у Сербіі. Магчыма, на той момант купюры ў самога прадаўца яшчэ не было і ён толькі разлічваў атрымаць яе пазней.
Аднак на фотаздымках прадстаўленыя «жывыя» выявы банкноты ў футляры — не выключана, што купюра на момант публікацыі аб'явы ўжо была ў прадаўца на руках. Прадавец пазначаны нікам worldcollectibles і перапрадае розныя калекцыйныя рэчы.
Па стане на 9 мая была зроблена ўсяго адна стаўка, бягучая цана складае 160 даляраў ЗША. Гэта роўна ў 4 разы перавышае адпускную цану ў аддзяленні Нацбанка (120 рублёў, або 39,8 даляра па афіцыйным курсе).
Таксама журналісты знайшлі як мінімум 6 прапаноў банкноты на аўкцыёне Ay.by. іх прадаюць па цане прыкладна ад 150 рублёў з чаканнем найвышэйшай стаўкі. Адзін з прадаўцоў гатовы саступіць банкноту не чакаючы канца таргоў, па фіксаванай цане ў 225 рублёў.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары