У Мінбароны РФ заявілі, што расійскія войскі ствараюць «санітарную зону» на мяжы з Украінай
Расійскія вайсковыя падраздзяленні пасля «поўнага вызвалення» Курскай вобласці ад падраздзяленняў Узброеных сіл Украіны працягваюць штодзённае наступленне з мэтай стварэння буфернай або так званай «санітарнай зоны» ўздоўж дзяржаўнай мяжы. Пра гэта паведаміў начальнік прэс-цэнтра расійскай групоўкі «Поўнач» Яраслаў Якімкін.
«У цяперашні час войскі штодня працягваюць прасоўвацца наперад, адціскаючы праціўніка ад дзяржаўнай мяжы для стварэння «санітарнай зоны» і бяспекі мірнага насельніцтва прыгранічных расійскіх рэгіёнаў», — заявіў Якімкін.
Паводле яго слоў, расійскія вайскоўцы ўзялі пад кантроль населеныя пункты Мар’іна і Локня ў Сумскай вобласці Украіны. Таксама, як адзначыў Якімкін, групоўка «Поўнач» «значна прасунулася» ў раёне горада Валчанск Харкаўскай вобласці.
Прэзідэнт Расіі Уладзімір Пуцін падчас нарады з урадам 22 траўня таксама пацвердзіў, што расійскія войскі «вырашаюць задачу» па фарміраванні буфернай зоны на мяжы з Украінай.
Раней, напрыканцы красавіка, Міністэрства абароны Расіі абвясціла пра поўнае вызваленне тэрыторыі Курскай вобласці ад УСУ. Але на той момант падраздзяленні ўкраінскага войска ўсё яшчэ прысутнічалі на тэрыторыі Расіі.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары