Верхоўны суд да Дня абароны дзяцей падзяліўся ня вельмі аптымістычнай статыстыкай.
У 2024 годзе суды пазбавілі бацькоўскіх правоў 3155 чалавек — гэта на 379 чалавек больш, чым у 2023-м. З іх 40,2% — жанчыны, а 59,8% — мужчыны.
Сярод разгляданых спраў 699 тычыліся маці, у тым ліку 184 адзінокіх, а 1279 — бацькоў. У 568 выпадках пазбаўлялі правоў адразу абодвух бацькоў.
Цікава, што большасць спраў тычыліся аднаго дзіцяці — 1667, на дваіх дзяцей было 533 выпадкі, на трох — 225, на чатырох — 79, а на пяць і больш — 42 выпадкі.
Найчасцей пазбаўлялі правоў бацькоў дзяцей ва ўзросце ад 7 да 10 гадоў — такіх рашэнняў было 1047. Дзяцей да года — 278, а падлеткаў ад 15 да 17 — 663.
Але пазбаўленне бацькоўскіх правоў не заўсёды канчатковае: праз суд можна і аднавіць правы. У 2024 годзе ў Беларусі было разгледжана 206 такіх спраў, з іх 83 былі задаволеныя. У выніку свае правы вярнулі 92 бацькі і маці.
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе22
Каментары