Беларускі спецыяліст дапамог «Фларыдзе» другі год запар стаць уладальнікам Кубка Стэнлі
У шостым матчы фінальнай серыі Кубка Стэнлі «Фларыда Пантэрз» абыграла «Эдмантан Ойлерз» (5:1) і зноў стала ўладальніцай тытулу.
Алег Явенка, nhl.com/panthers
«Пантэры» выйгралі серыю з лікам 4:2, год таму яны таксама перамаглі «Эдмантан» у фінале.
У штабе «Пантэрз» з 2022 года працуе 34-гадовы беларускі спецыяліст Алег Явенка. Ён з’яўляецца дырэктарам еўрапейскага скаўтынгу клуба, піша «Беларускі хакей».
Падчас гульнявой кар’еры Явенка гуляў за мінскае «Дынама», «Трактар» і «Спартак», а таксама абараняў колеры зборнай Беларусі на чэмпіянатах свету.
У ЗША Явенка гуляў у АХЛ (другая па значнасці хакейная ліга ў Паўночнай Амерыцы) за «Адзірондак Флэймз», «Кліўленд Монстэрз» і «Стоктан Хіт».
Да «Дня народнага адзінства» памілавалі 25 чалавек4
Каментары