У Беларусі плануецца ўнесці шэраг змяненняў у заканадаўства, якое рэгулюе дзейнасць, звязаную з крыптаактывамі. Аб гэтым расказаў кіраўнік Нацбанка Раман Галоўчанка падчас сустрэчы са сваім калегам з Казахстана Цімурам Сулейменавым.
Паводле слоў Галоўчанкі, Беларусь адной з першых на постсавецкай прасторы сфарміравала прававое поле для працы з крыптавалютамі. І гэты сегмент фінансавага рынку расце.
Пры гэтым крыптавалютны бізнес ужо вырас да такога ўзроўню, што можа аказваць уплыў на стабільнасць фінансавага рынку ў цэлым. Таму ў Нацбанку хочуць крыху адкарэктаваць заканадаўства ў гэтай сферы.
Як гаворыцца ў паведамленні рэгулятара, плануецца «адназначна ўсталяваць забарону на выкарыстанне (крыптавалют) у якасці сродку плацяжу, аптымізаваць патрабаванні да профільнага бізнесу, сфармаваць належныя механізмы абароны яго кліентаў».
Па сутнасці, і сёння адзіным законным плацежным сродкам у Беларусі з’яўляецца беларускі рубель. Пры гэтым фізічныя асобы могуць валодаць крыптавалютамі, захоўваць іх на віртуальных кашальках, займацца майнінгам, абменьваць іх, купляць і прадаваць (праз ПВТ), а таксама дарыць.
Акрамя таго, суб’ектам гаспадарання ў шэрагу выпадкаў дазволена выкарыстоўваць токены пры ажыццяўленні разлікаў па знешнегандлёвых здзелках.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары