На борце самалёта Хабараўск — Тында, што разбіўся сёння ў Амурскай вобласці Расіі, знаходзіліся 49 чалавек: 43 пасажыры і шэсць членаў экіпажу.
«Усе асобы, што знаходзіліся на борце паветранага судна, загінулі», — заявіла афіцыйная прадстаўніца СК Расіі Святлана Пятрэнка.
СК распачаў крымінальную справу па артыкуле аб парушэнні правілаў руху і эксплуатацыі паветранага транспарту, што па неасцярожнасці пацягнула смерць больш чым двух асоб.
На борце знаходзіліся 49 чалавек: 43 пасажыры і шэсць членаў экіпажу.
Борт накіроўваўся па маршруце Хабараўск — Благавешчанск — Тында. На пошукі адправілі экстранныя службы. Пазней абломкі самалёта знайшлі за 15 км ад Тынды.
Паводле звестак РБК, гаворка ідзе пра самалёт авіякампаніі «Ангара». Baza піша, што самалёт Ан-24 рыхтаваўся да пасадкі, але не здолеў прызямліцца з першага разу, таму лайнер пайшоў на другі круг, пасля чаго сувязь з ім знікла. Паводле папярэдняй інфармацыі, на борце самалёта знаходзіліся 43 пасажыры, у тым ліку пяцёра дзяцей, а таксама шэсць членаў экіпажа.
Ан-24 быў выраблены амаль 50 гадоў таму, сертыфікат лётнай прыдатнасці яму падоўжылі да 2036 года. У Расавіяцыі паведамілі ТАСС, што з 2018 года судна трапіла ў чатыры авіяінцыдэнты. Пры гэтым, паводле сцвярджэння авіякампаніі, самалёт прайшоў праверку перад вылетам.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню41
Каментары