Ён памёр два гады таму, 11 ліпеня 2023 года, пры нявысветленых абставінах у турме ў Гродне.
Мастаку Алесю Пушкіну сёння магло споўніцца 60 гадоў.
Ён нарадзіўся 6 жніўня 1965 года ў мястэчку Бобр Крупскага раёна. У 1980-х далучыўся да нацыянальнага руху. Браў удзел у акцыях адраджэння.
Мастака спачатку затрымалі 30 сакавіка 2021 года па справе аб нібыта рэабілітацыі нацызму: на выставе ў Гродне быў партрэт антысавецкага партызана Аўгена Жыхара.
На момант завядзення справы мастак быў у Кіеве, але спецыяльна вярнуўся ў Беларусь, калі справу завялі. Яго затрымалі праз пяць дзён у Жылічах, дзе працаваў на рэстаўрацыі палаца.
Алеся Пушкіна абвінавацілі паводле ч. 3 арт. 130 КК (рэабілітацыя нацызму), а таксама паводле арт. 370 КК (здзек з дзяржаўных сімвалаў) за ранейшыя акцыі.
25 сакавіка 2022 года Алесь падчас судовага працэсу парэзаў сабе жывот на знак пратэсту. За гэта яго на 13 сутак змясцілі ў карцар.
30 сакавіка 2022 года Алеся Пушкіна асудзілі да пяці гадоў зняволення ў калоніі строгага рэжыму. Адміністрацыя калоніі №22 у жніўні пакарала яго пяццю месяцамі ў ПКТ.
Вясной 2023 года яго перавялі ў гродзенскую турму. У яго была прабадная язва, выратаваць яго не здолелі. Ён памёр у ноч на 11 ліпеня.
Сёння ў Варшаве ў Музеі Вольнай Беларусі ў Варшаве адбудзецца ўрачыстае адкрыццё выставы «Застацца / Zostać», прысвечанай 60-годдзю Алеся Пушкіна.
Гэты праект не столькі пра самога Алеся Пушкіна, колькі пра тэмы і вобразы, якія былі цэнтральнымі ў яго творчасці і жыцці, і якія працягваюць жыць сёння праз іншых мастакоў і мастачак
У экспазіцыі будуць прадстаўлены працы наступных мастакоў і мастачак: Ксіша Ангелава, Ніна Маргаева, Святлана Баева, Аляксей Врублеўскі, Юлія Мекес, Dead Boy,Ксенія Лагавая, @белы, Лера Лазук, Кася Варакса, Святаслаў Камароў, Яраслаў Гамолка, Міхаіл Гулін, Андрэй Духоўнікаў, Ілля Дудараў.
Выстава будзе працаваць да 20 жніўня.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары