Незалежнае рэгіянальнае выданне Bgmedia, якое асвятляе навіны Брэста і Брэсцкай вобласці (былая «Брестская газета»), абвясціла збор на заробак супрацоўнікам: двум журналістам і відэамантажору.
«Мы не ў Беларусі, але кожны дзень з Брэстам. Кожны дзень мы сочым за тым, што адбываецца, кантактуем з людзьмі і пішам пра тое, пра што маўчаць афіцыйныя СМІ: пра пабітыя дарогі, іржавую ваду, смецце і бардак у дварах, дрэннае харчаванне ў бальніцах, недахоп дактароў, неадэкватныя рашэнні чыноўнікаў (да прыкладу, як штрафы за траву), бессаромныя праявы абыякавасці, крывадушнасці і некампетэнтнасці ўладаў усіх узроўняў.
Нашы тэксты чытаюць дзясяткі тысяч жыхароў рэгіёна. Нашы відэа глядзяць мільёны людзей не толькі ў Беларусі, але і па ўсім свеце. І ўлады вымушаныя рэагаваць. Нашы матэрыялы — гэта спосаб дамагчыся зменаў. Зрабіць жыццё беларусаў больш вартым, нават у сённяшніх умовах бесперапыннага ціску і рэпрэсій. Чыноўнікі, у адказ на нашы публікацыі, вымушаныя не толькі публічна апраўдвацца, але і варушыцца, каб ліквідаваць многія ўзнятыя праблемы», — піша рэдакцыя.
Сайт і ўсе акаўнты Bgmedia у сацсетках былі прызнаныя «экстрэмісцкімі матэрыяламі». Большасць чытачоў выдання жывуць у Беларусі і не могуць дапамагчы рэдакцыі фінансава.
Bgmedia звяртаецца па дапамогу да ўсіх, хто хоча падтрымаць незалежную рэгіянальную журналістыку. Сума збору — 5000 еўра. Грошы пойдуць на заробкі супрацоўнікам.
Падтрымаць выданне можна тут.
Драгічынская раёнка выпусціла кампліментарнае відэа пра ўпарадкаванне горада. У каментарах раскрылі і іншы бок
Блогер параўнаў кошт адпачынку ў санаторыі «Радон» з паездкай на кітайскі востраў Хайнань — і быў шакаваны
Берасцеец расказаў і паказаў, як займаўся адмываннем даляраў
На поўначы Брэста працягвае смярдзець, улады заклікаюць «не панікаваць»
У Брэсце і Белаазёрску скардзяцца на шкодныя пахі і магчымыя выкіды з прадпрыемстваў
У Ляхавічах патлумачылі, хто вінаваты, што хлеб з мясцовага хлебазавода выйшаў як клей
Фоты з Масквы даюць пабачыць Пуціна і Лукашэнку без грыму15
Каментары
Нажаль іншага выйсця як аб'ядноўваца гурткам на пляцоўцы больш буйнага парталу не бачу.
Ці займацца любімай справай пасля асноўнай працы.
Ў свой час веў старонку ў соцсетках, меў некалькі тысяч падпісчыкаў і рабіў гэту справу не за грошы, а ідэйна. Канешне праца павінна быць ўзнагароджана, але калі яе любіш шукаеш варыянты заробку.
Незалежным СМІ патрэбны даходы рэкламы. Але ва ўмовах тэрору гэта цяжка ці немагчыма. Бо праца фактычна зведзена да партызанскага руху.