Самую дарагую кватэру ў Мінску ў ліпені прадалі за 630 тысяч даляраў
У шасціпавярховым доме на беразе Сляпянскага канала ў ліпені купілі кватэру за 630 тысяч даляраў. Яна аказалася самай дарагой кватэрай, прададзенай у мінулым месяцы ў Беларусі, піша Realt.by.
Знаходзіцца кватэра ў закрытым жылым комплексе «Аквамарын», што размясціўся на вуліцы Філімонава, недалёка ад Нацыянальнай бібліятэкі.
ЖК «Аквамарын» быў пабудаваны ў 2015 годзе і складаецца з двух шматкватэрных дамоў (дзевяціпавярховага і шасціпавярховага). Увесь комплекс налічвае 192 кватэры плошчай ад 48 да 230 квадратных метраў, у тым ліку 8 пентхаусаў плошчай ад 180 да 230 квадратных метраў.
Цана аднаго квадратнага метра на старце продажаў складала прыблізна ад 2350 да 2800 долараў, а ў пентхаусе — ад 3600 даляраў.
У ліпені кватэра ў гэтым ЖК была прададзеная за 630 тысяч долараў (5329 даляраў — за метр). Рэкордную суму заплацілі за 118-метровае жыллё.
Дарэчы, цяпер на Realt прадаецца яшчэ адна кватэра ў ЖК «Аквамарын». Гэта — эксклюзіўная 5-пакаёвая кватэра прэміум-класа з дызайнерскім рамонтам. Кошт гэтага 237-метровага жылля складае 950 тысяч даляраў (4008 даляраў — за метр).
Цяпер чытаюць
«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам23
Каментары