У TikTok з’явілася відэа, на якім беларуска паказала незвычайны выгляд малака ад вядомага айчыннага вытворцы. На дне ўпакоўкі быў заўважаны чорны асадак, што выклікала ў людзей пытанні пра якасць і бяспеку гэтага прадукту, піша BGMedia.
Пра падобны выпадак паведамляла раней жыхарка Кобрына, але пра іншую фірму — «Мінскую марку». Па словах жанчыны, малако мела невыносны пах і смак, нягледзячы на яшчэ дзейны тэрмін прыдатнасці.
Гэтым разам у TikTok паскардзіліся на малако ад ААТ «Малочны свет». На фатаздымках, якімі падзялілася карыстальніца Наталля, бачна, што тэрмін прыдатнасці прадукту яшчэ не скончыўся. Але на ім ужо можна пабачыць тое, што выглядае як прыкметы псавання.
У каментарах пад відэа ў тыктоку многія беларусы адзначылі, што «беларуская малочка сапсавалася». Карыстальнікі выказалі розныя здагадкі пра магчымыя прычыны. Адныя лічаць, што на айчынных прадпрыемствах шырока выкарыстоўваюць «хімію ў сініх парашках». Іншыя мяркуюць, што праблема можа быць у тым, што «найлепшая прадукцыя ідзе на экспарт», а таму на ўнутраны рынак трапляе не заўсёды якасны тавар.
-
«Знаёмы працаваў на малочным першым камбінаце, расказваў, як цыстэрнамі завозяць хімію ў выглядзе сініх парашкоў».
-
«Дык малака даўно няма. Фермаў няма!».
-
«Таму што п’ём хімію, кароў няма».
-
«Хто там кажа пра беларускую якасць?»
-
«Якасць нашай прадукцыі даўно змянілася, асабліва малочка. Усё найлепшае на экспарт».
Некаторыя карыстальнікі ўпэўненыя, што праблема не ў якасці самога прадукту, а ў тары.
«Гэта не асадак, а проста брудная бутэлька звонку або дэфект пластыку», — выказаўся адзін з карыстальнікаў.
Але былі і іншыя версіі: частка людзей палічыла, што малако магло «падгарэць» падчас апрацоўкі, бо «ў ультраўстаноўцы тэмпература даходзіць да 120 градусаў».
Скандальныя катлеты з грузінскай крамы аказаліся сапраўды беларускімі. «Дзюбаў, лап і хвастоў» унутры не знайшлі
У Грузіі прадаюцца вельмі нясмачныя беларускія катлеты. Але ці насамрэч яны беларускія?
Чаму цяперашняя тушонка захоўваецца толькі 2 гады, а ў савецкія часы ў разы даўжэй?
У бабруйскай школе дзяцей кармілі гнілой агароднінай
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары