Прэзідэнт Украіны Уладзімір Зяленскі прыняў з дакладам кіраўніка Службы знешняй разведкі Украіны Алега Івашчанку. Падчас гэтай размовы было сярод іншага абмеркавана пытанне нібыта размяшчэння на тэрыторыі Беларусі расійскіх ракетных комплексаў «Арэшнік».
«Разведка атрымала больш падрабязную інфармацыю пра гэта, і важна, каб партнёры таксама ведалі і ўлічвалі гэта ў сваіх абаронных кроках. Мы лічым, што агрэсіўнае распаўсюджванне такой зброі нясе глабальную пагрозу і стварае небяспечны прэцэдэнт. Даручыў рыхтаваць сумесна з партнёрамі варыянты адказаў», — паведаміў Уладзімір Зяленскі ў сваім тэлеграм-канале.
Перад гэтым 18 снежня, выступаючы на Усебеларускім народным сходзе, Аляксандр Лукашэнка заявіў, што ракетны комплекс «Арэшнік» прыбыў у Беларусь за дзень да таго і ўжо ставіцца на баявое дзяжурства. Паводле яго слоў, першыя пазіцыі ўжо абсталяваныя гэтым комплексам. 24 снежня Лукашэнка заслухаў даклад міністра абароны Віктара Хрэніна, у якім сярод іншага таксама ішла гаворка пра пастаноўку «Арэшніка» на баявое дзяжурства.
Акрамя праблемы «Арэшнікаў», Зяленскі і Івашчанка абмеркавалі спробы Расіі абысці міжнародныя санкцыі ў энергетычнай сферы. Для гэтага выкарыстоўваюцца часовыя «ўладальнікі», фіктыўныя кампаніі і складаныя юрыдычныя схемы. Украінская разведка адсочвае такія дзеянні і мае намер інфармаваць партнёраў, каб санкцыйны ціск заставаўся эфектыўным і не дазваляў Расіі атрымліваць даходы падчас вайны праз махінацыі.
Таксама было закранута пытанне стану расійскай вайсковай вытворчасці і яе супрацоўніцтва з замежнымі кампаніямі. У прыватнасці, зафіксавана ўзмацненне кантактаў Расіі з асобнымі структурамі ў Кітаі, якія могуць перадаваць даныя касмічнай разведкі. Адзначаецца, што ў некаторых выпадках назіралася супадзенне паміж здымкамі тэрыторыі Украіны кітайскімі спадарожнікамі і расійскімі ўдарамі па энергетычных аб’ектах. Такую дзейнасць ва Украіне разглядаюць як фактар, які дапамагае Расіі зацягваць вайну і зніжае сур’ёзнасць дыпламатычных намаганняў. Пра гэтыя факты таксама плануецца весці размову з партнёрамі.
З учарашняга дня ў Беларусі нібыта знаходзіцца «Арэшнік»
Лукашэнка выказаўся пра размяшчэнне «Арэшніка»
Зяленскі: Украіна ведае, дзе ў Беларусі будзе размешчаны «Арэшнік», і перадае даныя партнёрам
Лукашэнка не прэтэндуе на больш чым дзясятак «Арэшнікаў»
Хрэнін расказаў Лукашэнку пра заступленне на баявое дзяжурства «Арэшніка»
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары