Аляксандр Лукашэнка падпісаў указ «Аб развіцці мясной галіны», накіраваны на павышэнне эфектыўнасці вытворчасці ялавічыны ў краіне. Пра гэта паведаміла прэс-служба палітыка.
Дакумент прадугледжвае будаўніцтва і рэканструкцыю спецыялізаваных комплексаў па вырошчванні і адкорме бычкоў. Рэалізацыя маштабнага праекта запланаваная на перыяд з 2026 па 2030 год.
Указам вызначаюцца ўмовы рэалізацыі інвестыцыйных праектаў і патрабаванні да іх. У прыватнасці, прадугледжваецца выдача субсідый на выплату працэнтаў па крэдытах на парытэтнай аснове за кошт сродкаў рэспубліканскага і мясцовых бюджэтаў.
Акрамя таго, фінансаваннем будаўніцтва і мадэрнізацыі жывёлагадоўчых комплексаў зможа займацца Банк развіцця Рэспублікі Беларусь. Крэдыты будуць выдавацца тэрмінам да 20 гадоў з выплатай працэнтаў у памеры стаўкі рэфінансавання Нацыянальнага банка.
Таксама ўстаноўлены ліміт крэдытавання — 85 базавых велічынь (3825 рублёў) на адно стойла для жывёлы.
Як адзначылі ў прэс-службе Лукашэнкі, указ накіраваны на ўмацаванне матэрыяльна-тэхнічнай базы мясной галіны і рост уласнай вытворчасці ялавічыны.
Эканомны рацыён. Якія наборы прадуктаў можна купіць у беларускіх крамах за 5 рублёў?
Медыкі ўпершыню зафіксавалі смерць чалавека ад «алергіі на мяса», выкліканай кляшчом
Лукашэнка прыгразіў паздымаць галовы за падзеж жывёлы
Навуковец расказаў пра будучыню цялят, якіх нарадзілі беларускія каровы ад зубра
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары