Дональд Трамп падпісаў мемарандум, паводле якога Злучаныя Штаты Амерыкі спыняюць фінансаванне і ўдзел у 66 міжнародных арганізацыях. Пра гэта паведамляецца на сайце Белага дома.
У тым ліку Вашынгтон выходзіць з 31 структуры Арганізацыі Аб’яднаных Нацый.
Як гаворыцца ў заяве, многія з гэтых арганізацый «прасоўваюць радыкальную кліматычную палітыку, глабальнае кіраванне і ідэалагічныя праграмы, якія супярэчаць суверэнітэту і эканамічнай моцы ЗША».
У Белым доме таксама заявілі, што амерыканскія падаткаплацельшчыкі «патрацілі мільярды» на фінансаванне міжнародных арганізацый, «атрымаўшы пры гэтым нязначную аддачу».
Пасля пачатку другога прэзідэнцкага тэрміну Дональда Трампа Злучаныя Штаты ўжо выйшлі з Сусветнай арганізацыі аховы здароўя, Парыжскага кліматычнага пагаднення, Рады ААН па правах чалавека і Блізкаўсходняга агенцтва ААН па дапамозе палесцінскім бежанцам.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары