Смерць не мае крымінальнага характару. Папярэдняя прычына — утапленне, паведамляе СК.
У выніку апазнання ўстаноўлена асоба загінулай дзяўчыны. Гэта сапраўды 21‑гадовая Яна Кастранкова, якая прапала 30 снежня.
Прызначаны шэраг экспертных даследаванняў, у тым ліку судова-медыцынская экспертыза для ўстанаўлення дакладнай прычыны смерці дзяўчыны.
Цела дзяўчыны знайшлі ўчора падчас пошукаў у Сляпянскай воднай сістэме. Яно было на глыбіні 60 см.
Сувязь з дзяўчынай знікла 30 снежня 2025 года. Яна жыла ў «Маяку Мінска».
Маці Яны пісала ў сацсетках, што апошні раз тэлефон яе дачкі быў зафіксаваны ў той дзень а 18:27 побач з паркам Чалюскінцаў. Жанчына казала, што размаўляла з дачкой у дзень знікнення прыблізна а 14:30. Тая казала, што, імаверна, прыйдзе да бацькоў сустракаць Новы год.
Дзякуючы гарадскім камерам атрымалася высветліць толькі тое, што а 16:30 Яна заходзіла ў «Дана Мол», а пасля сустракалася з жанчынай ля метро «Уручча». Тая жанчына была ўладальніцай кватэры, якую Яна хацела арандаваць, але перадумала — ля метро жанчына вярнула ёй задатак.
Цела дзяўчыны знайшлі ў вадзе прыкладна за адзін кіламетр ад парка Чалюскінцаў, дзе яе тэлефон зафіксавалі апошні раз.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску12
Каментары
Брава , Менскія медыкі !
Сколькі падоу́жыцца ,экспэртыза,, Мікіты Мелказёрава у́ самай перадавой краіне ЕС , у́ Варшаве ?
Пау́гады .
Ганьба вам , нашыя Суседзі !
Чакае ад вас адказу на пытаньне ,
Што здарылася з Мікітам ?