Аляксандр Лукашэнка прапанаваў Зімбабвэ рэалізаваць трохбаковы праект разам з Мазамбікам і пабудаваць на тэрыторыі Мазамбіка марскі порт. Пра гэта ён заявіў падчас сустрэчы са старшынёй Сената Зімбабвэ Мейбл Меморы Чынамона.
«Нам вельмі патрэбны апорны пункт на ўзбярэжжы Афрыканскага кантынента — на паўднёвым усходзе. Гэта значыць, што мы разам павінны папрацаваць са Зімбабвэ над будаўніцтвам порта ў вашай суседняй дзяржаве — Мазамбіку», — адзначыў Лукашэнка.
Па яго словах, Беларусь можа не толькі пабудаваць порт, але і аднавіць чыгуначнае злучэнне праз Зімбабвэ, бо адлегласць там невялікая. Трохбаковы праект дазволіць Зімбабвэ стаць добрым хабам для беларускай прадукцыі ў Афрыку, а таксама прыцягваць тавары іншых дзяржаў, перш за ўсё Расіі.
Лукашэнка дадаў, што праект ужо абмяркоўваўся з прэзідэнтам Зімбабвэ Эмерсанам Мнангагвай падчас яго візіту ў Мінск 14 мая 2025 года.
Госця з Зімбабвэ выказала зацікаўленасць у рэалізацыі праекта, адзначыўшы, што прапанова цікавая Мнангагву, а ягоны аўтарытэт у краінах Афрыкі дазваляе хутка запускаць сумесныя праекты.
Яна таксама адзначыла, што Беларусь дапамагала Зімбабвэ з механізацыяй сельскай гаспадаркі, што дазволіла афрыканскай краіне сабраць рэкордны ўраджай пшаніцы і істотна палегчыць працу фермераў, сярод якіх значная частка — жанчыны.
Цяпер чытаюць
Беларускага Сінюю Бараду адпусцілі з расійскай турмы паміраць дома7
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары
Ілан Маск засілліца .