Галоўчанка запэўнівае, што на беларускі рубель сусветная сітуацыя не ўплывае
Курс беларускага рубля застаецца стабільным, а сур’ёзных узрушэнняў на валютным рынку не чакаецца. Пра гэта заявіў старшыня праўлення Нацбанка Раман Галоўчанка. Паводле яго слоў, нягледзячы на напружаную сітуацыю ў свеце, унутры краіны валютны рынак адчувае сябе даволі спакойна.

Што тычыцца ваганняў курса, то яны, паводле слоў Галоўчанкі, абсалютна натуральныя. На валюту ўплывае мноства фактараў: ад знешняй эканомікі да ўнутранага попыту. Пры гэтым Нацбанк не ўмешваецца ў фарміраванне курса непасрэдна: ён складваецца на рынку.
Аднак калі сітуацыя пачне выходзіць з-пад кантролю, у рэгулятара ёсць інструменты, каб згладзіць рэзкія скачкі.
«Але пакуль мы іх не задзейнічаем, таму што сур’ёзных узрушэнняў на валютным рынку не прадбачыцца», — падкрэсліў Раман Галоўчанка.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць
Каментары
Чарговы беларускі эканамічны цуд.