Рэгулярнае авіяспалучэнне паміж Мінскам і Дубаем авіякампанія Belavia плануе аднавіць з 22 мая 2026 года пры ўмове, што будуць забяспечаныя ўмовы для бяспечнага выканання палётаў, паведаміла прэс-служба авіякампаніі.
На першапачатковым этапе рэйсы прадугледжаныя з частатой 2 разы на тыдзень па аўторках і пятніцах на самалёце Боінг 737.
Рэгулярныя рэйсы ў ААЭ не выконваліся з пачатку сакавіка пасля абвастрэння канфлікту на Блізкім Усходзе. Тады авіяцыйныя ўлады Дубая адклікалі слоты і дазволы на палёты. У сакавіку выконваліся толькі эвакуацыйныя і вывазныя рэйсы, як і ў іншых краінах рэгіёна.
У сувязі з гэтым «Белавія» некалькі разоў працягвала прыпыненне палётаў у Дубай. Апошні раз паведамлялася, што рэгулярныя рэйсы ў і з Дубая адмяняюцца як мінімум да 20 мая.
Рашэнне аб адкрыцці паветранай прасторы над краінай улады ААЭ прынялі 3 мая.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары