Сваёй знаходкай у мясцовым чаце падзялілася жыхарка Калодзішчаў. Яна расказала, што грыб схаваўся проста на яе ўласным участку, паведамляе «Прысталічча».
Падбярозавік хаваўся ў траве. Першы грыб у гэтым сезоне знайшлі пасля пакосу. «Тадааам!!! Сезон грыбоў адкрыты!!» — падпісала здымак жанчына.
Іншыя ўдзельнікі чата нават засумняваліся, што фота зроблена сёлета. Але жыхарка Калодзішчаў пацвердзіла: грыб знойдзены ў старой частцы аграгарадка.
Праз некалькі дзён фота падзяліўся яшчэ адзін аматар ціхага палявання. На гэты раз трафей здабыты на вуліцы Мінская.
Каментары