«Я не гарантаваў, што не будзе вайны». Трамп абверг, што абяцаў не ўцягваць ЗША ў войны
Прэзідэнт ЗША Дональд Трамп, які падчас перадвыбарчай кампаніі абяцаў не ўцягваць Злучаныя Штаты ў замежныя войны, зняпраўдзіў, што калі-небудзь даваў такое абяцанне. «Навошта б мне тады было ствараць самыя магутныя ўзброеныя сілы ў свеце?»
Як кандыдат у прэзідэнты ў 2024 годзе, Трамп неаднаразова абяцаў не ўцягваць Злучаныя Штаты ў вайну, у тым ліку і ў ноч, калі ён выйграў выбары. «Я не збіраюся пачынаць вайну. Я збіраюся спыняць войны», — сказаў Трамп у пераможнай прамове пасля выбараў.
«Я не гарантаваў, што вайны не будзе. Навошта б мне тады было ствараць самыя магутныя ўзброеныя сілы ў свеце?» — сказаў Трамп у інтэрв’ю NBC, адмаўляючы, што ён парушыў абяцанне, дадзенае амерыканскім выбаршчыкам, піша «Еўрапейская праўда».
«Таму, калі вы кажаце, што я абяцаў, я нічога не абяцаў. Мне не падабаюцца гэтыя бясконцыя войны. Гэта не бясконцая вайна. Мы займаемся гэтым тры месяцы», — дадаў Трамп, гаворачы пра вайну ў Іране.
Трамп пачаў вайну з Іранам без адабрэння Кангрэса, і цяпер ён сутыкаецца з усё большым ціскам з мэтай спынення гэтага дарагога канфлікту.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі58
Каментары
Вось яго логіка.