Эксперты вызначылі асобу загінулага альпініста, цела якога ляжыць на Эверэсце ўжо 30 гадоў
Труп альпініста, шырока вядомага як «Зялёныя чаравікі», знаходзіцца на Эверэсце з 1996 года. З таго часу ён заставаўся адной з галоўных загадак гары. Цяпер яго асоба ўстаноўлена: аналіз ДНК паказаў, загінулым быў індыйскі альпініст Дорджэ Моруп, якому на момант гібелі было 47 гадоў, піша BILD.
Інда-тыбецкая памежная паліцыя (ITBP) пацвердзіла асобу загінулага пасля атрымання вынікаў ДНК-тэсту. Спуск цела Морупа з так званай «зоны смерці» (на вышыні больш за 8000 метраў) запланаваны на гэтае лета. Зараз ITBP шукае кампанію, якая спецыялізуецца на правядзенні вышынных ратавальных і эвакуацыйных аперацый.
10 мая 1996 года Моруп уваходзіў у склад групы з шасці чалавек, якая рабіла ўзыходжанне на Эверэст па паўночным схіле.
Калі група патрапіла ў моцную снежную буру недалёка ад вяршыні, трое ўдзельнікаў павярнулі назад. Моруп працягнуў узыходжанне з двума іншымі альпіністамі. Неўзабаве пасля гэтага ўсе трое загінулі на гары.
Паколькі аперацыі па спуску цел з такой вышыні лічацца вельмі небяспечнымі, цела Морупа заставалася на гары каля 30 гадоў — снег і лёд захавалі яго за гэтыя дзесяцігоддзі.
Для мноства альпіністаў, якія штурмуюць Эверэст, гэтае цела стала змрочным арыенцірам на маршруце да вяршыні па Паўночна-ўсходнім грэбні.
На працягу дзесяцігоддзяў асоба загінулага заставалася прадметам спрэчак. Многія альпіністы лічылі, што «Зялёныя чаравікі» — гэта індыйскі альпініст Цэванг Палджор, які знаходзіўся ў адной групе з Морупам і загінуў ва ўзросце 28 гадоў.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары