Як доўга не зношваюцца даляры? Вось які тэрмін маюць 5, 50 і 100 даляраў
У кожнага наміналу тэрмін розны.
Даляравыя банкноты ЗША вырабляюць з сумесі 25 працэнтаў льну і 75 працэнтаў бавоўны. Але, як і ў любых грошай, у іх ёсць мяжа трываласці, расказвае Myfin.
Тэрмін службы купюр, які прыводзіць Федэральная рэзервовая сістэма ЗША, — гэта сярэднія паказчыкі для амерыканскага абароту. У ЗША даляры выкарыстоўваюць кожны дзень: імі разлічваюцца ў крамах, кафэ, на запраўках, імі ж даюць рэшту.
У большасці краін, у тым ліку ў Беларусі, даляр не з'яўляецца паўсядзённай валютай. Мы не разлічваемся ім у крамах, таму ў такіх умовах купюры звычайна служаць даўжэй, чым там, дзе даляр — асноўны сродак плацяжу.
Чаму 100 даляраў жывуць даўжэй за ўсіх
Самая «жывучая» банкнота — 100 даляраў. У сярэднім яна служыць 24 гады. Усё таму, што сотню рэдка трацяць у крамах: яе часцей адкладваюць, захоўваюць у сейфах або выкарыстоўваюць для буйных разлікаў.
Следам ідуць 50 даляраў — амаль 15 гадоў. Купюры па 20 даляраў служаць трохі больш за 11 гадоў.
Дробныя купюры зношваюцца хутчэй
1-, 5– і 10‑даляравыя купюры часцей пераходзяць з рук у рукі, таму хутчэй страчваюць выгляд. Сярэдні тэрмін службы аднадаляравай банкноты — трохі большы за 7 гадоў, у пяцёркі і дзясяткі — каля 6 гадоў.
Інакш кажучы, пакуль адна стодаляравая купюра «жыве», аднадаляравую могуць замяніць амаль чатыры разы.
Што важна ведаць
Важна адрозніваць фізічны знос і юрыдычны статус банкноты. Тэрмін службы — гэта сярэдні перыяд, на працягу якога купюра знаходзіцца ў абароце да зносу, пасля чаго яе вымаюць з абарачэння і знішчаюць.
«Тэрміну прыдатнасці» як такога ў даляравых банкнот няма: усе купюры, выпушчаныя Федэральнай рэзервовай сістэмай ЗША пасля 1914 года, застаюцца законным аплатным сродкам.
Цяпер чытаюць
Мама Бажэны Ярэміч, якая рыхтуе прыгажунь для Лукашэнкі, купіла элітны катэдж коштам $837 тысяч24
Каментары
дык ім хоць бы хны... нават лепш сталі
як новенькія