Новы ўкраінскі закон мае спрасціць жыццё беларусам, якія засталіся без дзейных дакументаў
Дзяржаўная міграцыйная служба Украіны апублікавала законапраект аб зменах у заканадаўства, якія тычацца дакументавання замежнікаў і асоб без грамадзянства. У тым ліку ён прадугледжвае рашэнні для людзей, якія не могуць атрымаць або абмяняць пашпарты праз спыненне дзейнасці дыпламатычных прадстаўніцтваў іхніх краін ва Украіне. Праект закранае і грамадзян Беларусі, піша Місія дэмакратычных сіл Беларусі ва Украіне.
Паводле прапанаваных змен, у вызначаных законам выпадках беларусы змогуць абменьваць пасведчанні на часовае жыхарства нават з пратэрмінаванымі пашпартамі. Таксама плануецца дазволіць афармленне пасведчанняў на пастаяннае жыхарства з пратэрмінаваным пашпартам, а ў асобных сітуацыях — нават з копіяй страчанага пашпарта, калі раней ён ужо падаваўся ў міграцыйную службу.
Калі пасведчанне будзе аформленае паводле новага парадку, чалавек зможа законна заставацца ва Украіне і пасля заканчэння тэрміну дзеяння пашпарта.
Місія дэмакратычных сіл Беларусі падтрымлівае гэты законапраект і накіравала ў Дзяржаўную міграцыйную службу дзве канкрэтныя прапановы.
Першая — пашырыць магчымасць выкарыстоўваць пратэрмінаваны пашпарт пры атрыманні дазволу на іміграцыю на сямейнікаў грамадзян Украіны. Гэта тычыцца мужа або жонкі пасля двух гадоў шлюбу, дзяцей і бацькоў.
Другая прапанова — звязаць дзеянне спецыяльнага парадку не з тэрмінам ваеннага становішча, а з фактычнай адсутнасцю консульскіх паслуг выдачы і абмену пашпартоў. Завяршэнне ваеннага становішча само па сабе не азначае, што такія паслугі будуць адноўленыя.
Асобных змен для людзей, якія не маюць дзейных дакументаў і раней не прайшлі першасную легалізацыю ва Украіне, місія ў межах гэтага законапраекта не прапаноўвала. Іхняя сітуацыя патрабуе асобнага абмеркавання і, верагодна, спецыяльнай працэдуры ўстанаўлення асобы і дакументавання, а не толькі дадатковага выключэння для ўладальнікаў пратэрмінаваных пашпартоў.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары
"які набули громадянства України і проходять або проходили службу в утворених відповідно до законів України військових формування за призовом замість зобов’язання про припинення іноземного громадянства подати декларацію про відмову від іноземного громадянства та визнання себе лише громадянином України."
Гэта ўзровень юрыдычнай некампэтэнтнасьці і ня веданьня заканадаўства.
А пры тым:
Закон Республики Беларусь от 9 ноября 1999 г. № 313-З "О ратификации Соглашения между Республикой Беларусь и Украиной об упрощенном порядке изменения гражданства гражданами Республики Беларусь, постоянно проживающими в Украине, и гражданами Украины, постоянно проживающими в Республике Беларусь"
Менавіта таму Фірташ, калі атрымаў беларускае грамадзянства, перастаў быць грамадзянінам Украіны :)