Старшыня КНР Сі Дзіньпін не будзе праводзіць асобную двухбаковую сустрэчу з Уладзімірам Пуціным падчас саміту БРІКС у Нью-Дэлі. Пра гэта паведаміў памочнік прэзідэнта Расіі Юрый Ушакоў, піша The Moscow Times.
Паводле слоў Ушакова, афіцыйныя перамовы Пуціна і Сі Дзіньпіна ў рамках саміту не запланаваныя. Пры гэтым памочнік расійскага лідара не выключыў, што кіраўнікі Расіі і Кітая могуць пагутарыць нефармальна, у кулуарах і «на нагах», правёўшы кароткую сустрэчу без афіцыйнага пратаколу.
Апошні раз Пуцін і Сі Дзіньпін сустракаліся 31 жніўня ў Бішкеку на пасяджэнні Рады кіраўнікоў дзяржаў — членаў Шанхайскай арганізацыі супрацоўніцтва. Аднак тады ім не ўдалося дасягнуць прагрэсу ў пытанні будаўніцтва газаправода «Сіла Сібіры-2», па якім Расія плануе пастаўляць у Кітай да 50 мільярдаў кубаметраў газу ў год.
Паводле інфармацыі выдання South China Morning Post, бакі не змаглі дамовіцца пра кошт газу. Кітай разлічвае плаціць каля 50 даляраў за тысячу кубаметраў — прыкладна столькі ж, колькі плацяць расійскія спажыўцы, альбо 120—130 даляраў — па цане для расійскіх прамысловых спажыўцоў.
Расія прапануе прывязаць кошт газу да цаны, якая дзейнічае для паставак па газаправодзе «Сіла Сібіры-1» — каля 250—260 даляраў за тысячу кубаметраў. Гэта прыкладна на 40% ніжэй за сярэднюю цану «Газпрома» для купцоў у іншыя краіны, якая складае каля 420 даляраў за тысячу кубаметраў.
Цяпер чытаюць
Лукашэнка: Што творыцца ў краіне, у нас усе гэтую гусь круцяць8
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары