«…Маглі б скласьці песьню кшталту “Сіжу на нарах, как кароль на іменінах, і Пазьняка паляпваю па плячы”. Ну і што — культура павінна гэта камэнтаваць?»
Старшыня Кансэрватыўна‑Хрысьціянскай партыі БНФ Зянон Пазьняк выказаў сваё меркаваньне пра ананімны тэкст «Зянон‑Хоп», які апошнімі тыднямі б’е рэкорды папулярнасьці ў беларускім сеціве.
Пазьняк: «Гэта зьява цалкам маргінальная і ляжыць па‑за межамі нашай культуры. Таму яна не камэнтуецца ў культурным грамадзтве. Ёсьць розныя маргінальныя групы, нават, скажам, складаюць песьні ў турме, маглі б скласьці песьню кшталту “Сіжу на нарах, как кароль на іменінах, і Пазьняка паляпваю па плячы”. Ну і што — культура павінна гэта камэнтаваць? Культура не камэнтуе такіх рэчаў, таму што ня можа дно быць верхам. Ёсьць пэўныя правілы ў мастацтве, у культуры, у дачыненьнях. І таму я ніякіх камэнтароў не даю па сутнасьці таго, што напісана, таму што гэта не задача культурных людзей і не задача сродкаў масавай інфармацыі».
Зянон Пазьняк кажа, што прачытаў тэкст пасьля таго, як яму затэлефанаваў сябра і даслаў яму Інтэрнэт‑спасылку.Пазьняк: «Я дакладна ня памятаю — здаецца, ў Юльляна Німцэвіча была навэла ці сюжэт. Ёсьць фартэпіяна, белае выдатнае, на ім граюць, складаюць сымфоніі, выдатную музыку. Потым бяруць фартэпіяна і выкідаюць ў вакно на брук. Яно разьбіваецца на дробныя кавалачкі. І далей ідзе сэнтэнцыя – «ідэал сенгнул бруку» – у перакладзе «ідэал дайшоў да дна». Дык вось паўтараю — дно ня можа быць верхам».
Мы запыталіся ў Зянона Пазьняка ці лічыць ён, што ананімны тэкст скіраваны супраць яго, як палітыка.
Пазьняк: «Чалавек, які гэта пісаў, не чакаў выніку, які атрымаецца. Таму ён закрыў свой блог і не адзываецца. Хутчэй за ўсё, што гэта так, што вынік аказаўся зусім іншым. Я б не сказаў бы, што там пасьлядоўная нянавісьць да майго імя выражаная, не — атрымалася наадварот. Але паўтараю ‑ гэта ня тэма для культурнага абмеркаваньня».
-
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
-
Беларускі інтэрнэт пад ботамі: як іх распазнаваць і што з імі робяць
-
Добкін: Шмат гавораць, колькі работнікаў ШІ зробіць непатрэбнымі, але ж колькі новых спраў і прац ён дазволіць стварыць?
Цяпер чытаюць
Каб не сядзець у Расіі за наркотыкі, малады даносчык з Ашмянаў запісаўся на фронт. Дый згінуў16
Каментары