Dziva, što inspektary pa spravach niepaŭnaletnich, pryjaždžajučy ŭ škołu, sumna kanstatujuć: «I ŭ vas pałova ciažarnych chodzić».
U horadzie vypadkova ŭbačyŭ znajomuju maładuju nastaŭnicu z addalenaj škoły Barysaŭščyny. Razhavarylisia. Miž inšym kažu, što ŭ susiedniaj vioscy zaciažarała 15-hadovaja adzinaccaciklaśnica. Budučy baćka nienašmat starejšy. Pytajusia: «Jak u vas tam spravy z seks-revalucyjaj?»
«A što ŭ nas? Taksama, jak usiudy. Trachajucca, by tyja katy, — ahałomšvaje pryznańniem pani nastaŭnica. — Tabie dobra. Štodnia ŭ horadzie, u svajoj hazecie, cikavyja ludzi, novyja znajomstvy. A ŭ nas niama čym zaniacca. Ad sumu lezieš na ścienku. Pavinna ž być niejkaje chobi ŭ padletkaŭ».
Symptamatyčnaja źjava atrymlivajecca, kali viaskovyja nastaŭniki zajaŭlajuć, što tynejdžaram absalutna niama čym zaniacca, aproč jak kłościcca. Najpierš uźnikaje pytańnie: a kudy hladziać pedahohi, kali nia mohuć ničym zacikavić vučniaŭ?
Niaredka ad znajomych barysaŭcaŭ čuŭ apoviedy pra dastupnaść viaskovych panienak. Niekatoryja vioski ŭžo nie nazyvajuć inakš jak b…dzki chutarok. U kožnym pasieliščy isnuje t.zv. błet-chata, ci fazenda, dzie tusujecca niezaniataja ničym viaskovaja moładź. Tam i puskajuć pa pryznačeńni svaju enerhiju. Dziva, što potym inspektary pa spravach niepaŭnaletnich, pryjaždžajučy ŭ škołu, sumna kanstatujuć: «I ŭ vas pałova ciažarnych chodzić».
I dobra, kali padčas złučeńnia na luboŭ pamiž partnerami jość choć peŭnaja drabnostka samapavahi ci sympatyi. A to jak byvaje — nie paśpieli paznajomicca, jak śpiašajucca na siena.
Inšaja nastaŭnica raskazvała, što niejak zaviała sa staršaklaśnikami hutarku pra kachańnie. Dziaŭčynki zachichikali, pačuŭšy pytańnie, a chłopcy ščyra skazali: «Nie durycie hałavy svaim kachańniem».
Pavodle słovaŭ hałoŭnaha lekara skurvendyspanseru, apošnim časam maładziony, daviedaŭšysia pra svaju chvarobu, nia robiać z hetaha trahiedyi i prymajuć hety fakt jak naležnaje. Jon źviazvaje heta ź pieraasensavańniem junakami duchoŭnych kaštoŭnaściaŭ.
Nastaŭniki ž praciahvajuć rabić vyhlad, što «seksu ŭ nas niama» abo što dzieciam pra «heta» rana viedać. U vioscy baćki nie zaŭsiody ŭ stanie ŭsio rastłumačyć svaim dzieciam — chto praz pjanstva, chto praz pastajannuju ciažkuju pracu. Niechta pierakanany, što padraście — sam daviedajecca. Voś i daviedvajucca praz vyčvarenskija bajki starejšych chłapcoŭ ci z parnafilmaŭ, jakija byli prahledžany pa susiedzkim vidaku. Tamu asnoŭnyja namahańni ŭ vychavańni seksualnaj kultury pavinna prykładać škoła. Kožny nastaŭnik vyvučaŭ padčas kursu «Pedahohika» parahraf «Pałavoje vychavańnie». Škada, što, idučy ŭ škołu, jany zabyvajucca na toje abo prosta ściśniajucca.
Kastryca
Kamientary