Za hod kolkaść studentaŭ, jakija navučajucca pa-biełarusku, źmienšyłasia amal na 100 čałaviek. 600 maładych ludziej ciapier vykarystoŭvajuć biełaruskuju ŭ biełaruskich VNU jak asnoŭnuju movu navučańnia.
Z nahody Mižnarodnaha dnia rodnaj movy, jaki adznačajuć va ŭsim śviecie 21 lutaha, Nacyjanalny statystyčny kamitet Biełarusi apublikavaŭ novyja dadzienyja ab kolkaści biełarusaŭ, jakija navučajucca na rodnaj movie.
Va ŭsich śfierach adukacyi biełaruskuju movu praciahvajuć pastupova zamianiać ruskaj. Choć u daškolnych ustanovach absalutnaja kolkaść druhi hod zastajecca amal niaźmiennaj (45 tysiač), ale ŭ adnosnych ličbach jana pamienšyłasia. Dzietak, jakija chodziać u całkam ruskamoŭnyja sadki, za hod stała bolej na 0.4%.
U škołach rusifikacyja najbolš prahresuje. Kala 142 tysiačy školnikaŭ ciapier vyvučajuć pradmiety pa-biełarusku. Heta na 9 tysiač mieniej u paraŭnańni ź minułym hodam. Kolkaść ruskamoŭnych pavialičyłasia na 1.4%.
U kaledžach i technikumach ciapier vučycca kala tysiačy čałaviek pa-biełarusku, što na 400 mieniej, čym letaś.
U VNU adnosnaja kolkaść studentaŭ, jakich vučać pa-biełarusku, druhi hod zapar składaje tolki 0.2%. Ale, ad raniejšych 700, ciapier zastałosia tolki 600 takich studentaŭ.
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Kamientary