Siońnia adznačajecca Mižnarodny dzień rodnaj movy. Jon byŭ zasnavany na 30-j siesii JUNIESKA u 1999 h. na prapanovu Banhładeš.
Dzień śviatkavańnia — 21 lutaha byŭ abrany tamu, što ŭ hety dzień u 1952 h. zahinuli piać studentaŭ, jakija zmahalisia za nadańnie movie banhła statusa dziaržaŭnaj u tahačasnym Pakistanie, uschodniaja častka jakoha paźniej stała dziaržavaj Banhładeš.
Što da biełaruskaj adukacyi, to za 10 hadoŭ dola biełaruskamoŭnych vučniaŭ skaraciłasia z 25 da 15%.
Školnikaŭ, jakija navučajucca pa-biełarusku, zastałosia tolki 15% (142 tysiačy dziaciej, heta kožny siomy vučań). Jašče letaś ich było 16,4%, a dziesiać hadoŭ tamu — 24,8%. Pry hetym pa Minsku hety pakazalnik značna nižejšy — usiaho 2%.
Va ŭniviersitetach situacyja krytyčnaja. Pa-biełarusku vyšejšuju adukacyju atrymlivajuć bolš za 600 čałaviek, letaś było kala 700 čałaviek. Heta ŭsiaho 1 z 670 studentaŭ.
«Naša Niva» ŭ śviežym numary vydrukavała vialiki artykuł «Katałonski precedent dla biełaruskaj movy». Heta intervju z Žordzi Bakardzitam — sakratarom staršyni Levaj respublikanskaj partyi Katałonii pra historyju zaniapadu i ŭvaskrasieńnia katałonskaj movy.
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary