«Roznyja viersii internet-sajtaŭ my mieli i raniej. Heta byli chutčej amatarskija staronki, jakija rabili našyja vučni. Ale novy sajt ciapier možna pakazvać i biełarusam, i zamiežnikam, — dzielicca ŭražańniami zasnavalnik i hałoŭny trenier kłuba «Patryjot»Dźmitryj Piasiecki. — My ŭžo prademanstravali novuju staronku kaleham z ZŠA i Tajłandu. Toje, što atrymałasia, nas vielmi ciešyć».
Kampanija «Budźma biełarusami!» plonna supracoŭničaje ź biełaruskimi tajbaksiorami nie ŭpieršyniu.
«Niekalki biełaruskich fajtaraŭ suśvietnaha ŭzroŭniu trapili ŭ naš anłajn-prajekt «Bajcoŭski hien», — zhadvaje kaardynatar kampanii «Budźma biełarusami!» Alena Makoŭskaja. — I kali my rychtavali roliki «Kultura palapšaje žyćcio», navat sumnievu nie było, kab zaprasić hierojem adnaho z hetych rolikaŭ Vitala Hurkova. Vielmi plonnym atrymałasia supracoŭnictva pa stvareńni majek, u jakich nacyjanalnaja zbornaja pa muaj-taj vypraviłasia na čempijanat Jeŭropy ŭ Lisabon, dzie, darečy, biełarusy zaniali pieršaje ahulnakamandnaje miesca. Usie hetyja mierapryjemstvy vyklikali stanoŭčy rezanans u hramadstvie. Tak my jašče raz upeŭnilisia, što sport — važnaja, pierśpiektyŭnaja častka sučasnaj biełaruskaj kultury, i z zadavalnieńniem praciahnuli supracu: zrabili sajt dla bajcoŭskaha kłuba «Patryjot», jaki maje mižnarodnuju viadomaść. Pakolki staronka biełaruskamoŭnaja, na pieršym miescy stajała pytańnie jakaści. My źviarnulisia ŭ art-studyju «PRAS», dzie raniej dla nas zrabili sajt, pryśviečany Cmoku. I my ŭściešanyja, što novaja internet-staronka spadabałasia samim spartoŭcam. Spadziajemsia, jana spadabajecca i karystalnikam».
Nahadajem, što bajcoŭski kłub «Patryjot» dobra viadomy ŭ bajcoŭskim śviecie. Dva miascovyja vychavancy majuć zvańnie «Zasłužany majstar sportu Biełarusi». Tut trenirujucca šmatrazovy čempijon śvietu pa muaj-taj Dzianis Hančaronak, zorka kikboksinha i K-1 Zabit Samiedaŭ. I, naturalna, čempijon śvietu siarod prafiesijanałaŭ Vital Hurkoŭ, jaki pieršym ź biełaruskich spartsmienaŭ publična pramoviŭ pa telebačańni na rodnaj movie.
Jak padkreślivajuć u «Patryjocie», dziakujučy novamu sajtu tut płanujuć pryciahnuć u kłub jak maha bolš talenavitych dziaciej, jakija padtrymajuć bajcoŭskija tradycyi starejšych kaleh. Taksama u kłubie raźličvajuć na toje, što prykład biełaruskamoŭnaha sajta natchnić inšyja spartovyja arhanizacyi aktyŭna karystacca rodnaj movaj. Bo jak inakš vychoŭvać u biełarusach patryjatyzm i addanaść svajoj krainie!
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary