Jak biełarusizavać svoj telefon Android

Zaŭvažyŭ, što pieryjadyčna ŭ siecivie ŭźnikajuć pytańni nakont biełaruskaj movy na Android biez dobrych adkazaŭ. Kupiŭšy dniami Google Nexus 5 z apieracyjnaj sistemaj Android KitKat 4.4.4, ja sam pačaŭ šukać biełaruskuju raskładku.

Raskładka. Z hetym akazałasia ŭsio prosta. Adrazu varta zaŭvažyć, što nijakich dadatkovych prahram stavić (užo) nie treba. Kab dadać biełaruskuju raskładku, idziem u Settings > Language & input, dzie ŭ siekcyi Keyboard & input methods u hrafie Google Keyboard pstrykajem pa značku pierasoŭnych rehulataraŭ. Adkryjecca akno Google Keyboard Settings. Pieršaj ža hrafoj idzie Input Languages. U nastupnym dyjałohu treba źniać ptušku z paramietra Use system language, paśla čaho znajści ŭ śpisie Belarusian i adciemić ptuškaj. Na hetym kvest pa ŭklučeńni biełaruskaj raskładki možna ličyć zavieršanym.

Mova interfiejsa. Kali vaš viendar nie ŭklučyŭ łakalizacyju interfiejsa karystalnika na biełaruskuju movu, vy jaje nie znojdziecie ŭ śpisie Settings > Language & input > Language. Tym nie mienš, Android možna paprasić być nastolki biełaruskim, nakolki heta mahčyma. Ideja ŭ tym, kab vystavić telefonu biełaruskuju łakal. Heta značyć, što tyja radkovyja resursy, jakija ŭ apieracyjnaj sistemie ci ŭ luboj inšaj prahramie (navat prastaŭlenaj z Play Store) majuć biełaruski ekvivalent, buduć pakazvacca pa-biełarusku [1].

Pavialičyć

Pracedura źmieny łakali dastupna karystalniku, jaki ŭmieje vykonvać kamandy ŭ terminale. Apisanyja dziejańni vykonvalisia mnoj na Mac OS X, choć nie pavinny adroźnivacca dla inšych papularnych AS.

1. Najpierš treba prastavić Android SDK: http://developer.android.com/sdk/installing/index.html?pkg=tools
2. Zatym spampavać na telefon prahramu MoreLocale 2.
3. Dalš, zadziejničać u telefonie režym raspracoŭnika. Dla hetaha idziem Settings > About phone i prakručvajem tablicu da apošniaj hrafy Build number. Treba tycnuć pa hetaj hrafie siem razoŭ dla ŭklučeńnia režyma raspracoŭnika.
4. Vyjšaŭšy z About phone, nad apošniaj hrafoj vy pabačycie punkt Developer options. U im znachodzim paramietr USB debugging i paznačajem ptuškaj.
5. Padklučajem telefon pa USB da kampjutara. Kali vy ŭžo dadali šlach da instrumientaŭ Android SDK u pieramiennuju navakolla PATH, kamanda $ which adb vydaść hety šlach. Inačaj, treba prajści ŭ katałoh ustanoŭki Android SDK i znajści ŭ padkatałohu platform-tools kansolnuju prahramu adb.
6. Razbudzicie telefon. Pasprabujcie vykanać adsiul kamandu ŭ terminale $./adb devices. Kali vyvad kamandy nie pakazaŭ nivodnaj pryłady, choć vy ŭpeŭnienyja, što ŭsie papiarednija kroki vykanali ŭ adpaviednaści z apisańniem, pasprabujcie $./adb kill-server &&./adb devices.
7. Ciapier možna vykanać kamandu $ adb shell pm grant jp.co.c_lis.ccl.morelocale android.permission.CHANGE_CONFIGURATION
8. Zapuskajem prahramu MoreLocale 2 na telefonie. Ciśniem Custom Locale. U madalnym aknie ŭ jakaści movy ŭvodzim be, u jakaści krainy — BY, i naciskajem Set. Kali ŭsio ŭ vas atrymałasia, śpis standartnych łakalaŭ u prahramie budzie ŭžo pakazvacca pa-biełarusku. Dalš vy zaŭvažycie, što niekatoryja prahramy, kštałtu Play Store stali častkova biełaruskimi, pa-biełarusku stali adlustroŭvacca daty. Niekatoryja prahramy mohuć stać całkam biełaruskimi, prykładam Play Knihi.

Takim čynam, čutki pra toje, što Android nie padtrymlivaje biełaruskaj movy troški pierabolšany. Udzielničajcie ŭ łakalizacyi prajektaŭ na Transifex, raskazvajcie pra biełaruskuju movu na telefonie svaim znajomym — i situacyja budzie stanavicca jašče lepš.

• 3
• 0
• 0
• 0
• 0
• 0
• 0
• 0