Siońnia zaniatkaŭ «Mova ci kava» nie budzie. Prosim prabačeńnia, napisaŭ u svaim Facebook adzin ź viadučych kursaŭ Franak Viačorka.
Nahadajem, što siońnia, 15 kastryčnika, u Minsku płanavałasia adkryćcio novaha navučalnaha siezona kursaŭ biełaruskaj movy «Mova ci kava». Adnak u kamandzie viadoŭcaŭ, siarod jakich zasnavalnica adukacyjnaha brendu Kaciaryna Kibalčyč, paetka Valaryna Kustava, žurnalisty Aleś Zaleŭski i Franak Viačorka, źjavilisia roznahałośsi. Pryčynaj ideałahičnaha raskołu stali vykazvańni žurnalistki rasijskaha 1-ha kanała Kaciaryny Kibalčyč nakont situacyju va Ukrainie, jakuju nie padzialiła astatniaja častka kamandy.
U intervju Radyjo Svaboda ŭčora Kaciaryna zajaviła, što najbližejšym časam čakajecca zajava nakont budučyni kursaŭ. «Ludzi demaralizavanyja, i ciapier niezrazumieła, jak rabić kursy, kali bolšaść biełaruskamoŭnaj tusoŭki choča ich bajkatavać. Los kursaŭ «Mova ci kava» pad vialikim pytańniem. Prynamsi, los kursaŭ, stvoranych pavodle kancepcyi ŭsieahulnaści biełaruskaj movy, jak jany zadumvalisia. Rabić kursy bieź idei ci ź idejaj, što biełaruskaja mova — heta tolki dla svaich adnadumcaŭ, ja nie chaču. I navat nie chaču mieć ničoha supolnaha z takimi kursami», — skazała jana.
Kursy «Mova ci kava» byli adkrytyja ŭ Maskvie ŭvosień 2012 h., 18 lutaha 2013 h. adbyłosia adkryćcio kursu ŭ Minsku.
U Minsku jość taksama kursy «Mova nanova», što adździalilisia ad «Movy ci kavy».
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary