Palina Respublika vystupić z pašyranym składam svajho hurtu. Kancert projdzie ŭ prastory Studio 67 (pr.Partyzanski, 2a) u dvuch adździaleńniach i budzie padsumavańniem pieršaha etapa ŭ tvorčaści śpiavački.
Da hetaha alboma Palina išła siem hod.
Asnovaj prahramy stali pieśni, jakija jana napisała ŭ 15—16 hod, pracu na studyi śpiavačka pačała razam z muzykami jašče kali joj nie spoŭniłasia 18. I voś na ŭłasnaje 21-hodździe jana zajaviła, što albom pad nazvaj «Biaskoncy krasavik» zrobleny całkam. «Dla mianie hetyja pieśni źviazanyja ź biaskoncaj viasnoj i piaščotaj, biaskoncaj zakachanaściu i zachoplenaściu, kali ty ŭsio usprymaješ vielmi blizka, naiŭna, tonka, uvažliva, kali ŭsio maje značeńnie i ty pierapoŭnieny žyćciovaj enerhijaj. Mienavita hetyja adčuvańni ja chacieła zachavać u albomie, ź imi źviazana nazva i ahulnaja kancepcyja», – kaža Palina.
Užo prezientavany zahałoŭny sinhł – pieśnia «Krasavik», a reliz dysku adbudziecca za niekalki dzion da žyvoj prezentacyi.
Muzyki nazyvajuć hety kancert nie bolš nie mienš śviatam, na jakim jany adznačać vynik šmathadovaj pracy. Miescam dla vystupu abranaja novaja placoŭka – kreatyŭnaja prastora «Studio 67» ź vialikaj scenaj i prastornaj załaj.
Kancert projdzie ŭ miežach akcyi «Žyvy Tuzin», jakuju ładzić partał Tuzin.fm razam z hramadskaj kampanijaj «Budźma biełarusami!».
Ciapier čytajuć
Novy pasoł Ukrainy pa pytańniach Biełarusi: «Pryznajom Cichanoŭskuju prezidentam. A ŭ Łukašenki niama manapolii na hołas naroda»13
Kamientary