Televiadučaha Dźmitryja Kachno znoŭ sudzili — za toje, što zdaryłasia 11 vieraśnia, kali jon adbyvaŭ aryšt na Akreścina
U sudzie Zavodskaha rajona Minska znoŭ prajšoŭ sud (sudździa Kaciaryna Muraška) nad televiadučym Dźmitryjem Kachno — pa artykule 23.4 KaAP (niepadparadkavańnie), piša Tut.by.
Dźmitryj, nahadajem, byŭ zatrymany 2 vieraśnia i asudžany na 10 sutak. Pryčym u subotu, 12 vieraśnia, na svabodu jon nie vyjšaŭ, jaho razam ź Dzianisam Dudzinskim vypuścili 14 vieraśnia.
A ŭ pratakole było napisana, što ŭviečary 11 vieraśnia, znachodziačysia pobač z budynkam pa vulicy Zasłaŭskaj, «majučy namier na niepadparadkavańnie zakonnamu patrabavańniu słužbovaj asoby», a mienavita supracoŭniku Centralnaha RUUS Aleksandroviču, na «nieadnarazovaje zakonnaje patrabavańnie» vyjści z mašyny i prajści ŭ RUUS dla razboru «pa padazreńni ŭ ździajśnieńni administracyjnaha pravaparušeńnia», Dźmitryj «kateharyčna admoviŭsia heta zrabić». Pry hetym chapaŭsia za kresła aŭtamabila, upiraŭsia nahami».
I voś Dźmitryj admaŭlać svaju vinu nie staŭ.
— Mnie zdajecca, pratakoł składzieny dakładna, — adznačyŭ jon, ale tłumačyć situacyju admoviŭsia.
Padčas pasiadžeńnia vyśvietliłasia, što 11 vieraśnia pastupiła infarmacyja ab tym, što 27 žniŭnia Dźmitryj mahčyma ŭčyniŭ pravaparušeńnie pavodle art. 23. 34 KaAP. Tamu jaho pavieźli ŭ RUUS dla razboru. Paźniej, rastłumačyŭ viadučy, heta padazreńnie nie paćvierdziłasia.
U toj dzień ja na mitynhi nie chadziŭ, — paviedamiŭ šoŭmien i niečakana źmianiŭ temu. — Davajcie napišam ab inšym. Ciapier my adčuvajem vialikuju padtrymku ad biełarusaŭ i chočacca skazać usim dziakuj.
Praz paŭhadziny sudździa vyniesła rašeńnie pa spravie: štraf 25 bazavych (675 rubloŭ).
Dźmitryj takomu rašeńniu, zdajecca, rady.
— Heta najlepšy vynik u dadzienaj situacyi, — skazaŭ jon, pakidajučy zału pasiadžeńniaŭ.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać8
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2121
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna21
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary