Znachodžańnie ŭ Rasii biełaruskaha stendap-komika Idraka Mirzalizade pryznana pažyćciova niepažadanym
Ministerstva ŭnutranych spraŭ Rasii pryznała niepažadanym znachodžańnie ŭ Rasiei biełaruskaha komika Idraka Mirzalizade. Jak paviedamlajecca na sajcie viedamstva, ujezd u Rasijskuju Fiederacyju jamu zabaronieny pažyćciova.
«U svaim publičnym vystupie Idrak Mirzalizade dapuściŭ vyrazy, jakija raspalvajuć nianaviść i varožaść u adnosinach da asob ruskaj nacyjanalnaści, što prynižajuć ich čałaviečuju hodnaść. U suviazi z hetym jaho znachodžańnie na terytoryi Rasijskaj Fiederacyi pryznana pahroźlivym hramadskamu paradku, pravam i zakonnym intaresam inšych asob», — havorycca ŭ paviedamleńni MUS.
U žniŭni Idrak adbyŭ 10 sutak pa artykule ab raspalvańni mižnacyjanalnaj varožaści. Pryčynaj staŭ vystup Mirzalizade ŭ prahramie «Razhony» u sakaviku, padčas jakoha jon pažartavaŭ pra ruskich arandataraŭ kvater.
U Idraka biełaruskaje hramadzianstva, jon naradziŭsia ŭ Azierbajdžanie, ale vyras i skončyŭ univiersitet u Biełarusi, paśla čaho źjechaŭ u Maskvu.
Jak paviedamiŭ kaleha i siabra Idrak Artur Čaparan, paśla vyzvaleńnia Mirzalizade byŭ padaŭleny i nie išoŭ na kantakt.
Čaparan raspavioŭ, što niekalki dzion tamu komik źjechaŭ na radzimu ŭ Biełaruś i z 28 žniŭnia pierastaŭ adkazvać na telefanavańni.
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim26
Kamientary