Raniej razmova šła tolki pra kanstytucyjnuju reformu.
Novy ministr justycyi Siarhiej Chamienka raspavioŭ pra toje, što ŭ Vybarčym kodeksie adbuducca źmieny.
«My staim na parozie kanstytucyjnaj reformy, źmianieńniaŭ u Vybarčy kodeks. Heta ŭsio taksama zapatrabuje ad kalektyvu Ministerstva justycyi dbajnaj, vysokaprafiesijnaj pracy», — dadaŭ jon.
Taksama Chamienka skazaŭ, što ministerstvu nieabchodna «bolš apieratyŭna vyrašać pytańni pravavoha rehulavańnia».
«Zadačy pierad ministerstvam užo pastaŭlenyja kiraŭnikom dziaržavy. Siońnia Ministerstva justycyi vykonvaje svaje funkcyi. Zychodziačy z acenki sučasnaj sacyjalna-palityčnaj abstanoŭki, viadoma, jość nieabchodnaść u bolš apieratyŭnym vyrašeńni pytańniaŭ, jakija tyčacca pravavoha rehulavańnia», — zajaviŭ ministr.
Na libieralizacyi vybarčaha zakanadaŭstva doŭhi čas nastojvała apazicyja. Ale ŭłady ŭvieś čas kazali, što jašče nie čas. Ciapier, vidać, čas pryjšoŭ, ale dakładna havorka idzie nie pra libieralizacyju.
Kamientary