«Nastolki razumny, što pa ŭzroŭni raźvićcia skončyŭ VNU». Łukašenka raspavioŭ pra budučyniu syna Mikałaja
Alaksandr Łukašenka pryznaŭsia, što pakul nie viedaje, kim stanie jaho syn Mikałaj, adnak, pa jaho słovach, małodšy z troch synoŭ užo nastolki razumny, što «pa ŭzroŭni raźvićcia skončyŭ VNU». Pry hetym usie dzieci Łukašenki taksama prezidenctva «ŭžo najelisia».
Padčas hutarki z Łukašenkam rasijski prapahandyst Sałaŭjoŭ spytaŭ, jakaja budučynia čakaje jaho synoŭ, kali toj pierastanie być prezidentam.
Łukašenka staŭ chvalić svajho małodšaha syna.
«Heta naohuł chłopiec talenavity. Što vielmi važna, my ciapier z Pucinym abmiarkoŭvajem, bo jon na vačach u nas vyras. Jon [Mikałaj] — bijołah i chimik. Nichto nie skaža, što Łukašenka jaho tam ciahnie za niešta, i śpiecyjalisty, jakija jaho testujuć, časta (ja prašu Akademiju navuk), kažuć, što jon užo VNU skončyŭ, jamu niama čaho rabić u VNU. Pa bijałohii, ty ŭjaŭlaješ!» — skazaŭ jon u intervju Uładzimiru Sałaŭjovu.
— Heta značyć, vy bačycie jaho navukoŭcam? — udakładniŭ viadučy.
— Ja, ščyra kažučy, nijak jaho nie baču, — adkazaŭ Łukašenka.
— Heta značyć, što abiare sam? — spytaŭ Sałaŭjoŭ.
— Tak, ja čakaju jaho hetaj reakcyi, — skazaŭ Łukašenka.
— Kali jon zachoča pajści pa vašych śladach…, — udakładniŭ Sałaŭjoŭ.
— Kryj boža, — adkazaŭ Łukašenka.
— Kali buduć kryčać, što Biełaruś stała manarchijaj, baćka pieradaŭ synu, lubimy aniekdot apazicyi: da Koli buduć kiravać, — praciahnuŭ rasijski viadučy.
—Ščyra, maje dzieci ŭžo najelisia prezidenctva, — adkazaŭ Łukašenka i raspavioŭ pra toje, što jaho syn Viktar dobraachvotna paprasiŭsia syści ź dziaržsłužby. Jon zajmaŭ pasadu ŭ dziaržsakrataryjacie Rady biaśpieki, byŭ pamočnikam baćki.
Pa słovach Łukašenki, małodšy syn Mikałaj «kateharyčna najeŭsia» prezidenctva. Jon zhadaŭ, jak braŭ jaho na MZKC, dzie Łukašenka aśvistali rabočyja i kryčali jamu «Sychodź!» u žniŭni 2020 hoda.
«Kali b ty jaho bačyŭ, kali my na zavodzie na hetym byli, voś MZKC, naš vajenny zavod, na jaho [Mikałaja] było strašna hladzieć. Jon upieršyniu ŭbačyŭ voś hety natoŭp, što kryčaŭ. Jadro było 400 čałaviek. Nu sabralisia ŭsie hetyja bandyty, a vakoł rabočyja siadzieli…. Jon kali heta ŭbačyŭ, a ja, stojačy na hetym pjedestale, bokam pahladzieŭ na jaho i paškadavaŭ, što jaho z saboj uziaŭ. Heta byŭ złom», — skazaŭ Łukašenka.
Taksama Łukašenka raspavioŭ, što Mikałaj vydatna vałodaje zbrojaj. «Niadaŭna z Pucinym spaborničaŭ pa stralbie i vyjhraŭ, choć Pucin vydatna stralaje», — pachvaliŭsia Łukašenka.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary