Piaskoŭ: Rasija kateharyčna adchilaje lubyja abvinavačvańni ŭ zabojstvach cyvilnych ludziej u Bučy
Maskva kateharyčna adchilaje lubyja abvinavačvańni ŭ zabojstvach cyvilnych hramadzian u Bučy i prapanuje abmiarkoŭvać hetuju temu na maksimalna vysokim uzroŭni. Pra heta žurnalistam zajaviŭ pres-sakratar prezidenta Rasii Dźmitryj Piaskoŭ.
Adpaviednaje pytańnie prahučała ad žurnalista «Kommiersant FM», piša Meduza.io.
«Ułasna, užo ŭčora vielmi apieratyŭna była pradstaŭlenaja infarmacyja, byŭ dadzieny kamientaryj našym ministerstvam abarony. Hetaja infarmacyja pavinna być padvierhnutaja surjoznamu sumnievu. Z taho, što my bačyli, videamateryjałam šmat u čym nielha daviarać, bo tam u najaŭnaści vyjaŭlenyja našymi śpiecyjalistami ź Minabarony prykmiety videapadłohaŭ i roznych fejkaŭ tych ci inšych. Faktałohija, kalandarnaja paśladoŭnaść padziej taksama nie havoryć na karyść dakładnaści hetych śćviardžeńniaŭ. My kateharyčnym čynam nie prymajem lubyja abvinavačvańni. Bolš za toje, my ličym, što hetaja tema pavinna abmiarkoŭvacca na maksimalna vysokim uzroŭni. Tamu była naša inicyjatyva razhledzieć hetuju temu ŭ Radzie biaśpieki AAN. Viedajem, što hetaja inicyjatyva była zabłakavanaja. Našy dypłamaty praciahnuć aktyŭnyja namahańni z tym, kab prasunuć ŭsio-tki hetaje pytańnie na paradak dnia Rady biaśpieki. Tema zanadta surjoznaja», — zajaviŭ Piaskoŭ.
Jon zaklikaŭ zachodnich lidaraŭ «nie śpiašacca z ahulnymi abvinavačvańniami», a zapytać infarmacyju z roznych krynic i «jak minimum prysłuchacca» da arhumientacyi Maskvy.
Čytajcie taksama:
Cieły sa znakami katavańniaŭ, trupy na vulicach, brackija mahiły. Rasijskija vojski pakinuli na Kijeŭščynie strašnyja ślady
Biełaruski prakuror: Rasijanie, jakija zabivali ludziej u Bučy i Irpieni, pavinny być aryštavanyja ŭ Biełarusi
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna13
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary