Jak atrymać śviežy apielsinavy sok biez sokavyciskałki. Prosty i efiektyŭny sposab
Cytrusy — heta nie tolki cudoŭny dadatak da šmat jakich straŭ, ale i składnik smačnych chałodnych napojaŭ, jakija tak dobra pić letam. Dla hetaha patrebny cytrusavy sok, pryčym jaho možna atrymać navat tady, kali pad rukoj niama sokavyciskałki.
Toje, jak heta možna rabić, u siabie ŭ Tyktoku pakazaŭ šef-povar ź Fiładelfii pad psieŭdanimam pastrycon. Pa jaho vopytu, sokavyciskałku moža zamianić prosty nož.
Prosta raździalicie frukt na dźvie častki i ŭvatknicie ŭ jaho miakać ručku naža. Pavaročvajcie nož, pakul z frukta nie vyjdzie ŭvieś sok, i na hetym usio! Niama nieabchodnaści peckać dadatkovyja stałovyja prybory.
U niečym heta navat praściej, čym pracavać z cełaj sokavyciskałkaj. Hałoŭnaje — pamiatajcie pra aściarožnaść i trymajcie vostruju častku naža jak maha dalej ad siabie.
Internet-karystalniki ŭ zachapleńni ad novaha łajfchaka. «Ty tolki što źmianiŭ majo žyćcio», «Ja ŭvieś hety čas rabiŭ niapravilna», — pišuć jany ŭ kamientaryjach da videa, jakoje nabrała ŭžo tysiačy prahladaŭ.
Jakija inhredyjenty možna dadavać u kavu, a ad čaho lepiej ustrymacca
Recept na vychadnyja: try stravy z avakada
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?2
Kamientary