Hetaja rasijanka suprać vajny, i joj pahražaje 10 hod turmy. Chto jana i što zrabiła?
Raspaviadajem, za što ŭ Rasii ciapier moža pahražać taki vialiki termin.
Viktoryi Piatrovaj 28 hod, jana zvyčajnaja žycharka Rasii. Dziaŭčyna naradziłasia ŭ Murmansku, a paśla pierajechała ŭ Sankt-Pieciarburh. Tam jana pracavała na roznych drobnych mieniedžarskich pasadach.
Miarkujučy pa ŭsim, upieršyniu jana ŭdzielničała ŭ akcyjach pratestu paśla aryštu Alaksieja Navalnaha i tady ž pačała pieryjadyčna rabić pasty na kalapalityčnyja temy.
A pierad samym pačatkam vajny pačała antyvajennuju ahitacyju na ŭłasnych staronkach. Dvojčy taksama repościła antyvajennyja videa Śviatłany Cichanoŭskaj.
U sacsietkach dziaŭčyna vykładvała videa rasijskich i ŭkrainskich miedyja. U błohach raspaviadała pra vialikija straty rasijskaha vojska, pakazvała kadry bambiožak Ukrainy i zaklikała rasijan masava pratestavać suprać vajny. A taksama aburałasia, što jany nie robiać hetaha.
Viktoryja ŭdzielničała ŭ pratestach. Jaje dvojčy sudzili: pieršy raz dali štraf u 100$ pa tahačasnym kursie, nastupny — 10 sutak aryštu.
6 maja ŭ dziaŭčyny prajšoŭ pieratrus, na nastupny dzień jaje ŭziali pad vartu. Padčas dopytu jana kazała, što praciahnie adstojvać antyvajennuju pazicyju.
Na Viktoryju zaviali kryminalnuju spravu pa č. 2 art. 207.3 KK RF (publičnaje raspaŭsiudžvańnie zaviedama iłžyvaj infarmacyi pra vykarystańnie Uzbrojenych sił Rasii, vykanańnie dziaržaŭnymi orhanami svaich paŭnamoctvaŭ). Sankcyja artykuła praduhledžvaje da dziesiaci hadoŭ źniavoleńnia.
Ciapier jaje ŭtrymlivajuć u SIZA-5 Sankt-Pieciarburha.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary