Dzianisa Urbanoviča paśla kantuzii pieraviali ŭ inšy špital. «Pa darozie stała błaha»
Bajec pałka Kalinoŭskaha i maładafrontaviec Dzianis Urbanovič raspavioŭ «Našaj Nivie», jak prachodzić praces adnaŭleńnia va ŭkrainskim špitali, jakija nastroi panujuć siarod vajaroŭ i ci zmoža jon viarnucca na front.
Stała błaha pa darozie ŭ Mikałajeŭ
Na biahučy momant Urbanovič aceńvaje stan svajho zdaroŭja jak siaredni. Dzianis lažyć pad kropielnicami, jamu balić hałava, a levaje vucha dahetul nie čuje.
Spačatku jon byŭ u rajonnym špitali, paśla čaho chłopca pieravieźli ŭ Mikałajeŭski špital.
«Darohi ja nie vytrymaŭ, mnie stała błaha, ale potym usio narmalizavałasia. Lekary kažuć, praz peŭny čas usio adnovicca, ale dakładnyja terminy nie ahučvajuć.
Miescaŭ u špitali chapaje, niejkaha niedachopu lekaŭ ci piersanału niama, jość šmat zamiežnych lekaŭ. Ukrainie zaraz usie dapamahajuć, tamu niama prablem z zabieśpiačeńniem», — dzielicca nazirańniem Urbanovič.
«Ukraincy razumiejuć, u jakim my stanoviščy»
Pa słovach bajca, niekatoryja ŭ špitali ździŭlajucca, kali daviedvajucca, što jon ź Biełarusi.
«Ale biełarusaŭ tut pavažajuć, jany razumiejuć, u jakim my stanoviščy, i ŭžo dobra viedajuć, chto taki Łukašenka. Ukraincy časta kažuć: «Nie pieražyvaj, vyzvalim našu ziamlu — dapamožam vam».
Kalinoviec adznačaje, što navat pry niaprostoj situacyi na froncie ŭkrainskija i biełaruskija vajary zachoŭvajuć bajavy nastroj.
«Heta i naša vajna»
Niahledziačy na atrymanyja ranieńni i kantuziju, Dzianis kaža: nikoli nie ŭźnikali dumki, što jon darma pajšoŭ na front. Jon nazyvaje hetuju vajnu nie tolki ŭkrainskaj, ale i našaj.
«Kožny biełarus pavinien prymać u joj udzieł», — ličyć Urbanovič i dadaje, što dla jaho honar vajavać poruč z ukraincami.
«Jany krutyja, bo ŭsie abjadnalisia ad małoha da vialikaha. Tak, vorah niešta sprabuje zachapić, ale nam taksama ŭdałosia adkinuć ich na Chiersonščynie až na 9 kiłamietraŭ. Ruskija nie ŭmiejuć vajavać, jany mocnyja tolki z rakietami i artyleryjaj, kab takaja samaja zbroja była ŭ nas, to my b užo dajšli da ich miežaŭ», — ličyć Urbanovič.
Što da viartańnia na pieradavuju, to Dzianis užo chacieŭ by pajechać na front, ale zrabić heta zmoža tolki paśla poŭnaha vyzdaraŭleńnia.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna13
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary