Recept na vychadnyja. Bulbiany hraten — prostaja strava dla letniaj viačery
Hraten (gratin) — heta francuzskaja strava, zapiečanaja ŭ duchoŭcy da stvareńnia pryhožaj skarynački. Zaraz prapanujem vam anhlijski varyjant hratena. Jaho možna i padavać sa śvininaj, i jeści prosta tak.
Fota: BBC Food
Kab zhatavać anhlijski hraten, vam spatrebicca:
- 250 hramaŭ bulby, parezanaj na kubiki z hraniami prykładna pa 2,5 santymietra,
- 2 ačyščanyja morkvy, parezanyja kružočkami,
- 50 hramaŭ masła,
- 1 ačyščanaje i tonka narezanaje ściabło cybuli-pareja,
- 200 hramaŭ biekonu, jaki treba narezać kubikami,
- 50 hramaŭ muki,
- 200 mililitraŭ jabłyčnaha soku,
- 300 mililitraŭ małaka,
- sol i čorny pierac,
- trochi čaboru,
- 2 stałovyja łyžki aliŭkavaha aleju.
- Zakipiacicie vadu ŭ kastruli i varycie ŭ joj kubiki bulby chvilin z 7 ci pakul jana nie budzie napałovu hatovaja. Dadajcie morkvu i varycie harodninu jašče 7—8 chvilin abo pakul morkva i bulba nie stanuć miakkimi. Źnimicie z ahniu i pracadzicie.
- Tym časam nahrejcie hłybokuju patelniu na siarednim ahni. Rastapicie na joj masła i absmažcie razam cybulu-parej i biekon 7—8 chvilin ci pakul cybula nie stanie miakkaj, a biekon — załacista-karyčnievym.
- Razahrejcie hryl da haračaha stanu (možna vykarystoŭvać režym hrylu ŭ duchoŭcy).
- Dadajcie ŭ patelniu ź biekonam muku, pieramiašajcie i hatujcie ŭsio na ahni adnu chvilinu. Pastupova dadavajcie ŭ patelniu jabłyčny sok i małako, pieramiešvajcie ŭsio, pakul u vas nie atrymajecca adnarodny sous. Daviadzicie sumieś da kipieńnia i tušycie jaje dźvie chviliny.
- Dadajcie ŭ patelniu bulbu i morkvu i dobra ŭsio pieramiašajcie, kab sadavina pakryłasia sousam. Pakaštujcie sumieś i zapraŭcie jaje sollu i piercam na smak.
- Vykładzicie sumieś u formu dla zapiakańnia siarednich pamieraŭ (prykładna 28 na 22 santymietry). Ščodra pasypcie budučy hraten liściem čaboru i palicie jaho alejem. Zapiakajcie stravu pad razahretym hrylem na praciahu 10 chvilin ci pakul hraten nie nabudzie załacistuju skarynačku.
Pačynajem siezon kłubnic. Recept na vychadnyja: kłubničny čyzkiejk
Recept na vychadnyja. Chałodny sup haspača — toje, što treba ŭ letniuju śpioku
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary