CNN: Ukraina stała paśpiachova prymianiać sistemy HIMARS dla napadaŭ na rasijskija kamandnyja punkty
Ukraina stała paśpiachova ŭžyvać reaktyŭnyja sistemy załpavaha ahniu HIMARS dla napadaŭ na rasijskija kamandnyja punkty, piša BBC sa spasyłkaj na SNN.
Pakul ZŠA rychtujucca adpravić va Ukrainu novuju partyju bojeprypasaŭ dla ŭdaskanalenaj rakietnaj sistemy HIMARS, ukrainskija siły ŭžo damahlisia prykmietnych pośpiechaŭ u vykarystańni hetych sistem dla parazy vajskovych kamandnych punktaŭ i źnižeńnia ich mahčymaściaŭ na pole boju, raspavioŭ žurnalistam vysokapastaŭleny pradstaŭnik Pientahona.
«Ukraincam udajecca staranna vybirać celi, jakija padryvajuć namahańni Rasii bolš paśladoŭna, čym kali b jany vykarystoŭvali sistemy blizkaha radyusu dziejańnia», — skazaŭ čynoŭnik u piatnicu.
Pavodle jaho słoŭ, ukrainskija vajskoŭcy zusim niadoŭha vykarystoŭvajuć HIMARS, ale ŭžo robiać heta efiektyŭna — paśla karotkaha pieryjadu navučańnia, jaki niadaŭna skončyŭsia. Pa mienšaj miery čatyry ŭstanoŭki byli ŭžo dastaŭleny va Ukrainu, jašče čatyry paabiacali ŭłady ZŠA.
«Vy bačycie, jak ukraincy mietadyčna vybirajuć celi i zatym dakładna nanosiać pa ich udary, tym samym akuratna źnižajučy patencyjał Rasii», — skazaŭ jon.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary