Karpienka: Na vybarach 2024 hoda nie buduć uvodzić elektronnuju sistemu hałasavańnia, kab nie pazbaŭlać biełarusaŭ śviata
Staršynia CVK Ihar Karpienka, vystupajučy ŭ efiry telekanała ANT, skazaŭ, što na vybarach 2024 hoda režym Łukašenki nie płanuje vykarystoŭvać sistemu elektronnaha hałasavańnia. Ale pryčynu admovy ad hetaha miechanizmu nazvaŭ jaŭna adčepnuju.
«Elektronnaje hałasavańnie — heta asobnaja tema. Jaho prosta tak nie ŭviadzieš. My z vami nie možam pahavaryć pra heta i zaŭtra pajści jaho ŭkaraniać. Jość mnohija sprečnyja pytańni. Darečy, taja ž Eła Pamfiłava na forumie «Moładź i vybary», jaki my pravodzili, kazała pra toje, što jość jašče i psichałahičny aśpiekt», — adznačyŭ Ihar Karpienka.
«Jość vielmi vialikaja katehoryja hramadzian, jakaja naohuł nie ŭsprymaje heta elektronnaje hałasavańnie. Jany chočuć u tradycyjnaj formie: pryjści na ŭčastak, dzie arhanizavana niejkaje śviata. Heta peŭny mientalitet. Ale taja ž ABSIE nas pastajanna paprakała ŭ tym, što heta drenna, što na ŭčastku handal, śviata niejkaje arhanizavanaje i hetak dalej. Choć my havorym ab tym, što heta naša mientalnaść», — praciahnuŭ jon.
Dalejšyja jaho słovy, adnak, śviedčać pra toje, što vidavočnaj pryčynaj admovy ad hetaha miechanizmu źjaŭlajecca bojaź uviadzieniem navinki nieznarok parušyć adładžany dziesiacihodździami miechanizm vybarčych falsifikacyj.
«Biez adpaviednych prahram, prahramnaha kompleksu elektronnaje hałasavańnie nie zrobiš.
Znoŭ ža, pažadana, kab prahrama była naša, nacyjanalnaja. Bolš taho, jana pavinna kiravacca adpaviednaj dziaržaŭnaj strukturaj, u pryvatnaści — CVK.
A nie prosta atrymać niejkuju zakładku, jakaja ŭ vyniku raptam pierastanie pracavać i hetak dalej, i hetak dalej. Heta pytańni biaśpieki, u tym liku nacyjanalnaj biaśpieki.
Nu i samaje hałoŭnaje — treba aprabavać hetuju sistemu. Aprabavać jaje na niejkich vybarach — napeŭna, niapravilna. Treba jaje aprabavać u inšych situacyjach», — zrabiŭ vysnovu Karpienka.
Z kantekstu jahonych razvažańniaŭ možna zrazumieć, što staršynia łukašenkaŭskaha CVK spadziajecca, što sistemu elektronnaha hałasavańnia na niejkich svaich unutranych mierapryjemstvach spačatku abkataje Rasija, a tady, kali jana siabie dobra zarekamienduje jak takaja, što nie tolki nie pieraškadžaje falsifikacyjam, ale navat im spryjaje, jaje achvotna ŭviadzie i režym Łukašenki. Samim być tut pijanierami va ŭviadzieńni navinak, uśviedamlajučy zusim słaby ŭzrovień padtrymki ŭ hramadstvie, bojazna.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary