Na ličbavych placoŭkach źjaviłasia admysłovaja viersija alboma N.R.M. «Dom kultury»
Pra źjaŭleńnie admysłovaj viersii alboma napisaŭ Lavon Volski na svajoj staroncy ŭ fejsbuku.
«U dzień 20-hodździa N.R.M. «Dom kultury» ŭpieršyniu na ličbavych placoŭkach źjaviłasia admysłovaja viersija dyska z pjesaj «Dom kultury» pamiž pieśniami, jakaja całkam paŭtaraje limitavanaje pieršapačatkovaje vydańnie 2002 hoda.
Albom «Dom Kultury» dla mianie byŭ nie tolki muzyčnaj, ale mienavita i «kulturnickaj» padziejaj, bo nad im pracavali abjadnanyja tvorčyja siły — ja napisaŭ pjesu, jakaja hučała pamiž pieśniami, piersanažaŭ hetaj pjesy ahučvali Hanna Volskaja, Volha Babak, Uładzimir Šablinski, Siarhiej Kananovič, muzyki N.R.M.
Realizavaŭ zapis pjesy Anatol Dodź («Narodny Albom»).
Pjesa była natchnionaja turami hurta pa Biełarusi i sustrečami z roznymi pradstaŭnikami miascovaj administracyi.
Ułasna, siužet pjesy i budujecca na tym, što ŭ miastečka Jocavičy musić pryjechać N.R.M. Dla hurta heta zvyčajny šarahovy turavy kancert, a dla jocavickaj administracyi — padzieja, ČP rajonnaha maštabu, paśla jakoha možna i z pasady palacieć.
I voś hałoŭnaja pradstaŭnica «viertykali» Jocavičaŭ biarecca za spravu…», — napisaŭ Lavon Volski.
Pasłuchać albom «Dom kultury» (z pjesaj) možna tut.
-
Biełarusy Varšavy zapisali pravasłaŭnuju liturhiju na rodnaj movie
-
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca
-
Biełaruska vypuściła knihu, jakaja znajomić z historyjaj mastactva praz katoŭ
Kamientary
3.Michałok
2.Mulavin
1.Volski